aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

Sher on Awaz

āvāz de ke dekh lo shāyad vo mil jaa.e

varna ye umr bhar safar rā.egāñ to hai

aawaz de ke dekh lo shayad wo mil hi jae

warna ye umr bhar ka safar raegan to hai

Muneer Niyazi

mohabbat soz bhī hai saaz bhī hai

ḳhamoshī bhī hai ye āvāz bhī hai

mohabbat soz bhi hai saz bhi hai

KHamoshi bhi hai ye aawaz bhi hai

Arsh Malsiyani

lahja ki jaise sub.h ḳhushbū azaan de

chāhtā hai maiñ tirī āvāz chuum luuñ

lahja ki jaise subh ki KHushbu azan de

ji chahta hai main teri aawaz chum lun

Bashir Badr

vo ḳhush-kalām hai aisā ki us ke paas hameñ

tavīl rahnā bhī lagtā hai muḳhtasar rahnā

wo KHush-kalam hai aisa ki us ke pas hamein

tawil rahna bhi lagta hai muKHtasar rahna

Wazir Agha

ḳhudā us ke gale meñ ajiib qudrat hai

vo boltā hai to ik raushnī hotī hai

KHuda ki us ke gale mein ajib qudrat hai

wo bolta hai to ek raushni si hoti hai

Bashir Badr

sabr par dil ko to āmāda kiyā hai lekin

hosh uḌ jaate haiñ ab bhī tirī āvāz ke saath

sabr par dil ko to aamada kiya hai lekin

hosh uD jate hain ab bhi teri aawaz ke sath

Aasi uldani

bolte rahnā kyūñki tumhārī bātoñ se

lafzoñ ye bahtā dariyā achchhā lagtā hai

bolte rahna kyunki tumhaari baaton se

lafzon ka ye bahta dariya achchha lagta hai

Unknown

maut ḳhāmoshī hai chup rahne se chup lag jā.egī

zindagī āvāz hai bāteñ karo bāteñ karo

maut KHamoshi hai chup rahne se chup lag jaegi

zindagi aawaz hai baaten karo baaten karo

Ahmad Mushtaq

chhup ga.e vo sāz-e-hastī chheḌ kar

ab to bas āvāz āvāz hai

chhup gae wo saz-e-hasti chheD kar

ab to bas aawaz hi aawaz hai

Asrarul Haq Majaz

gum rahā huuñ tire ḳhayāloñ meñ

tujh ko āvāz umr bhar hai

gum raha hun tere KHayalon mein

tujh ko aawaz umr bhar di hai

Ahmad Mushtaq

tafrīq husn-o-ishq ke andāz meñ na ho

lafzoñ meñ farq ho magar āvāz meñ na ho

tafriq husn-o-ishq ke andaz mein na ho

lafzon mein farq ho magar aawaz mein na ho

Manzar Lakhnavi

dhīme suroñ meñ koī madhur giit chheḌiye

Thahrī huī havāoñ meñ jaadū bikheriye

dhime suron mein koi madhur git chheDiye

Thahri hui hawaon mein jadu bikheriye

Parveen Shakir

phuul ḳhushbū havā chaap shīshe khanak

kaun shai hai jo terī ḳhush-bayānī meñ nahīñ

phul ki KHushbu hawa ki chap shishe ki khanak

kaun si shai hai jo teri KHush-bayani mein nahin

Unknown

koī aayā tirī jhalak dekhī

koī bolā sunī tirī āvāz

koi aaya teri jhalak dekhi

koi bola suni teri aawaz

Josh Malihabadi

us ġhairat-e-nāhīd har taan hai dīpak

sho.ala lapak jaa.e hai āvāz to dekho

us ghairat-e-nahid ki har tan hai dipak

shoala sa lapak jae hai aawaz to dekho

Momin Khan Momin

lai meñ Duubī huī mastī bharī āvāz ke saath

chheḌ de koī ġhazal ik na.e andāz ke saath

lai mein Dubi hui masti bhari aawaz ke sath

chheD de koi ghazal ek nae andaz ke sath

Unknown

tirī āvāz ko is shahr lahreñ tarastī haiñ

ġhalat number milātā huuñ to pahroñ baat hotī hai

teri aawaz ko is shahr ki lahren tarasti hain

ghalat number milata hun to pahron baat hoti hai

Ghulam Mohammad Qasir

charāġh jalte haiñ bād-e-sabā mahaktī hai

tumhāre husn-e-takallum se kyā nahīñ hotā

charagh jalte hain baad-e-saba mahakti hai

tumhaare husn-e-takallum se kya nahin hota

Hamid mahboob

maiñ jo bolā kahā ki ye āvāz

usī ḳhāna-ḳharāb hai

main jo bola kaha ki ye aawaz

usi KHana-KHarab ki si hai

Meer Taqi Meer

us āvāz meñ the saare ḳhad-o-ḳhāl us ke

vo chahaktā thā to hañste the par-o-bāl us ke

us ki aawaz mein the sare KHad-o-KHal us ke

wo chahakta tha to hanste the par-o-baal us ke

Wazir Agha

merī ye aarzū hai vaqt-e-marg

us āvāz kaan meñ aave

meri ye aarzu hai waqt-e-marg

us ki aawaz kan mein aawe

Ghamgeen Dehlvi

haath jis ko lagā nahīñ saktā

us ko āvāz to lagāne do

hath jis ko laga nahin sakta

us ko aawaz to lagane do

Ammar Iqbal

mujh se jo chāhiye vo dars-e-basīrat liije

maiñ ḳhud āvāz huuñ merī koī āvāz nahīñ

mujh se jo chahiye wo dars-e-basirat lije

main KHud aawaz hun meri koi aawaz nahin

Asghar Gondvi

dard-e-dil pahle to vo sunte na the

ab ye kahte haiñ zarā āvāz se

dard-e-dil pahle to wo sunte na the

ab ye kahte hain zara aawaz se

Jaleel Manikpuri

ye bhī ejaaz mujhe ishq ne baḳhshā thā kabhī

us āvāz se maiñ diip jalā saktā thā

ye bhi ejaz mujhe ishq ne baKHsha tha kabhi

us ki aawaz se main dip jala sakta tha

Ahmad Khayal

ḳhāmoshī ke nāḳhun se chhil jaayā karte haiñ

koī phir in zaḳhmoñ par āvāzeñ maltā hai

KHamoshi ke naKHun se chhil jaya karte hain

koi phir in zaKHmon par aawazen malta hai

Ameer Imam

raat ik ujḌe makāñ par ke jab āvāz

guuñj uTThe bām-o-dar merī sadā ke sāmne

raat ek ujDe makan par ja ke jab aawaz di

gunj uTThe baam-o-dar meri sada ke samne

Muneer Niyazi

khanak jaate haiñ jab sāġhar to pahroñ kaan bajte haiñ

are tauba baḌī tauba-shikan āvāz hotī hai

khanak jate hain jab saghar to pahron kan bajte hain

are tauba baDi tauba-shikan aawaz hoti hai

Unknown

maiñ us ko kho ke bhī us ko pukārtī rahī

ki saarā rabt to āvāz ke safar thā

main us ko kho ke bhi us ko pukarti hi rahi

ki sara rabt to aawaz ke safar ka tha

Mansoora Ahmad

ek āvāz ne toḌī hai ḳhamoshī merī

DhūñDhtā huuñ to pas-e-sāhil-e-shab kuchh bhī nahīñ

ek aawaz ne toDi hai KHamoshi meri

DhunDhta hun to pas-e-sahil-e-shab kuchh bhi nahin

Alimullah Hali

ḳhatm ho jā.egā jis din bhī tumhārā intizār

ghar ke darvāze pe dastak chīḳhtī rah jā.egī

KHatm ho jaega jis din bhi tumhaara intizar

ghar ke darwaze pe dastak chiKHti rah jaegi

Tahir Faraz

umr-bhar ko mujhe be-sadā kar gayā

terā ik baar muñh pher kar bolnā

umr-bhar ko mujhe be-sada kar gaya

tera ek bar munh pher kar bolna

Tahir Faraz

is raste par pīchhe se itnī āvāzeñ aa.iiñ 'jamāl'

ek jagah to ghuum ke rah ga.ī eḌī sīdhe paañv

is raste par pichhe se itni aawazen aain 'jamal'

ek jagah to ghum ke rah gai eDi sidhe panw ki

Jamal Ehsani

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now