Bahaar Shayari


Click on any word for its meaning

aamad aamad hai ḳhizāñ jaane vaalī hai bahār


rote haiñ gulzār ke dar bāġhbāñ khole hue

ai dil-e-be-qarār chup ho


chukī hai bahār chup ho

ai ḳhizāñ bhaag chaman se shitāb


varna fauj-e-bahār aave hai

apne dāman meñ ek taar nahīñ


aur saarī bahār baaqī hai

bahār aa.e to merā salām kah denā


mujhe to aaj talab kar liyā hai sahrā ne

bahār aa.ī ki din holī ke aa.e


guloñ meñ rañg khelā rahā hai

bahār aate Takrāne lage kyuuñ sāġhar o miinā


batā ai piir-e-mai-ḳhāna ye mai-ḳhānoñ pe kyā guzrī

bahār chaak-e-girebāñ meñ Thahr jaatī hai


junūñ mauj koī āstīñ meñ hotī hai

chaar din bahār hai saarī


ye takabbur hai yaar-e-jaanī hech

chaman meñ rahne vāloñ se to ham sahrā-nashīñ achchhe


bahār aa ke chalī jaatī hai vīrānī nahīñ jaatī

chaman vāloñ se mujh sahrā-nashīñ buud-o-baash achchhī


bahār aa kar chalī jaatī hai vīrānī nahīñ jaatī

kahiyo sabā salām hamārā bahār se


ham to chaman ko chhoḌ ke sū-e-qafas chale

ḳhizāñ bhes banā kar bahār ne maarā


mujhe do-rañgī-e-lail-o-nahār ne maarā

ḳhizāñ ruḳhsat huī phir aamad-e-fasl-e-bahārī hai


garebāñ ḳhud-baḳhud hone lagā hai dhajjiyāñ merā

ḳhushī ke phuul khile the tumhāre saath kabhī


phir is ke ba.ad na aayā bahār mausam

kiyā hañgāma-e-gul ne mirā josh-e-junūñ taaza


udhar aa.ī bahār īdhar garebāñ rafū TuuTā

kyā isī ko bahār kahte haiñ


laala-o-gul se ḳhuuñ Tapaktā hai

kyā ḳhabar mujh ko ḳhizāñ kyā chiiz hai kaisī bahār


āñkheñ kholīñ aa ke maiñ ne ḳhāna-e-sayyād meñ

lutf-e-bahār kuchh nahīñ go hai vahī bahār


dil ujaḌ gayā ki zamāna ujaḌ gayā

maiñ ne dekhā hai bahāroñ meñ chaman ko jalte


hai koī ḳhvāb tābīr batāne vaalā

maiñ us gulshan bulbul huuñ bahār aane nahīñ paatī


ki sayyād aan kar merā gulistāñ mol lete haiñ

mire ḳhayāl vus.at meñ haiñ hazār chaman


kahāñ kahāñ se nikālegī ye bahār mujhe

mujh ko ehsās-e-rañg-o-bū na huā


yuuñ bhī akasr bahār aa.ī hai

Tags