Dar-Badari Shayari

Who would not like to stay stable! But some are destined to ramble, or wander, without a direction and without a goal. This is more particularly true of lovers who are fated to be in a state of constant roaming. Urdu poets have appropriated this theme in a variety of contexts ranging from lovers to common men who have various reasons to be on toes.

dar-ba-dar Thokareñ khā.īñ to ye mālūm huā

ghar kise kahte haiñ kyā chiiz hai be-ghar honā

dar-ba-dar Thokaren khain to ye malum hua

ghar kise kahte hain kya chiz hai be-ghar hona

Saleem Ahmed

ik ghar banā ke kitne jhameloñ meñ phañs ga.e

kitnā sukūn be-sar-o-sāmāniyoñ meñ thā

ek ghar bana ke kitne jhamelon mein phans gae

kitna sukun be-sar-o-samaniyon mein tha

Riaz Majeed

ghar vahshat se laraztā huuñ magar jaane kyuuñ

shaam hotī hai to ghar jaane ko chāhtā hai

ghar ki wahshat se larazta hun magar jaane kyun

sham hoti hai to ghar jaane ko ji chahta hai

Iftikhar Arif

har ik se pūchhte phirte haiñ tere ḳhāna-ba-dosh

azāb-e-dar-ba-darī kis ke ghar meñ rakkhā jaa.e

har ek se puchhte phirte hain tere KHana-ba-dosh

azab-e-dar-ba-dari kis ke ghar mein rakkha jae

Iftikhar Arif

hue is qadar mohazzab kabhī ghar muñh na dekhā

kaTī umr hoTaloñ meñ mare aspatāl kar

stayed away from home, on being so gentrified

spent ones life in hotels, in hospitals then died

hue is qadar mohazzab kabhi ghar ka munh na dekha

kaTi umr hoTalon mein mare aspatal ja kar

stayed away from home, on being so gentrified

spent ones life in hotels, in hospitals then died

Akbar Allahabadi

kis se pūchhūñ ki kahāñ gum huuñ ka.ī barsoñ se

har jagah DhūñDhtā phirtā hai mujhe ghar merā

kis se puchhun ki kahan gum hun kai barson se

har jagah DhunDhta phirta hai mujhe ghar mera

Nida Fazli

koī qarya koī dayār ho kahīñ ham akele nahīñ rahe

tirī justujū meñ jahāñ ga.e vahīñ saath dar-badarī rahī

koi qarya koi dayar ho kahin hum akele nahin rahe

teri justuju mein jahan gae wahin sath dar-badari rahi

Ilyas Ishqi

kūcha-e-ishq meñ nikal aayā

jis ko ḳhāna-ḳharāb honā thā

kucha-e-ishq mein nikal aaya

jis ko KHana-KHarab hona tha

Jigar Moradabadi

kuchh be-Thikāna kartī rahīñ hijrateñ mudām

kuchh merī vahshatoñ ne mujhe dar-ba-dar kiyā

kuchh be-Thikana karti rahin hijraten mudam

kuchh meri wahshaton ne mujhe dar-ba-dar kiya

Sabir Zafar

sab kuchh to hai kyā DhūñDtī rahtī haiñ nigāheñ

kyā baat hai maiñ vaqt pe ghar kyuuñ nahīñ jaatā

sab kuchh to hai kya DhunDti rahti hain nigahen

kya baat hai main waqt pe ghar kyun nahin jata

Nida Fazli

shahr meñ kis se suḳhan rakhiye kidhar ko chaliye

itnī tanhā.ī to ghar meñ bhī hai ghar ko chaliye

shahr mein kis se suKHan rakhiye kidhar ko chaliye

itni tanhai to ghar mein bhi hai ghar ko chaliye

Naseer Turabi

shaam hote khulī saḌkoñ yaad aatī hai

sochtā roz huuñ maiñ ghar se nahīñ niklūñgā

sham hote hi khuli saDkon ki yaad aati hai

sochta roz hun main ghar se nahin niklunga

Shahryar

tum raah meñ chup-chāp khaḌe ho to ga.e ho

kis kis ko batāoge ki ghar kyuuñ nahīñ jaate

tum rah mein chup-chap khaDe ho to gae ho

kis kis ko bataoge ki ghar kyun nahin jate

Ameer Qazalbash

ye sard raat ye āvārgī ye niiñd bojh

ham apne shahr meñ hote to ghar chale jaate

ye sard raat ye aawargi ye nind ka bojh

hum apne shahr mein hote to ghar chale jate

Ummeed Fazli

Added to your favorites

Removed from your favorites