Sher on Dil
Reading these verses,
you would pass through various states that the human heart takes us through. You would wonder how these verses written by others are indeed the true voice of our own feelings. They seem to express our own desires and passion, sadness and deprivation, as also our experience of separation in the midst of an elusive hope for union.
kuchh khaTaktā to hai pahlū meñ mire rah rah kar
ab ḳhudā jaane tirī yaad hai yā dil merā
kuchh khaTakta to hai pahlu mein mere rah rah kar
ab KHuda jaane teri yaad hai ya dil mera
-
Tag : Yaad
dil ko is tarh dekhne vaale
dil agar be-qarār ho jaa.e
dil ko is tarh dekhne wale
dil agar be-qarar ho jae
-
Tag : Beqarari
lākhoñ meñ intiḳhāb ke qābil banā diyā
jis dil ko tum ne dekh liyā dil banā diyā
lakhon mein intiKHab ke qabil bana diya
jis dil ko tum ne dekh liya dil bana diya
raat bhar un kā tasavvur dil ko taḌpātā rahā
ek naqsha sāmne aatā rahā jaatā rahā
raat bhar un ka tasawwur dil ko taDpata raha
ek naqsha samne aata raha jata raha
haath rakh rakh ke vo siine pe kisī kā kahnā
dil se dard uThtā hai pahle ki jigar se pahle
hath rakh rakh ke wo sine pe kisi ka kahna
dil se dard uThta hai pahle ki jigar se pahle
-
Tag : Dard
mujh se dillī kī nahīñ dil kī kahānī suniye
shahr to ye bhī ka.ī baar luTā hai mujh meñ
mujh se dilli ki nahin dil ki kahani suniye
shahr to ye bhi kai bar luTa hai mujh mein
ulTī ik haath se naqāb un kī
ek se apne dil ko thaam liyā
ulTi ek hath se naqab un ki
ek se apne dil ko tham liya
-
Tag : Naqab
baḌā shor sunte the pahlū meñ dil kā
jo chīrā to ik qatra-e-ḳhūñ na niklā
baDa shor sunte the pahlu mein dil ka
jo chira to ek qatra-e-KHun na nikla
ilāhī ek dil kis kis ko duuñ maiñ
hazāroñ but haiñ yaañ hindostān hai
ilahi ek dil kis kis ko dun main
hazaron but hain yan hindostan hai
-
Tags : Butand 1 more
jis dil ko tum ne lutf se apnā banā liyā
us dil meñ ik chhupā huā nashtar zarūr thā
jis dil ko tum ne lutf se apna bana liya
us dil mein ek chhupa hua nashtar zarur tha
kisī ne mol na pūchhā dil-e-shikasta kā
koī ḳharīd ke TuuTā piyāla kyā kartā
kisi ne mol na puchha dil-e-shikasta ka
koi KHarid ke TuTa piyala kya karta
raushnī ke liye dil jalānā paḌā
kaisī zulmat baḌhī tere jaane ke ba.ad
raushni ke liye dil jalana paDa
kaisi zulmat baDhi tere jaane ke baad
-
Tags : Husnand 1 more
raas aane lagī duniyā to kahā dil ne ki jā
ab tujhe dard kī daulat nahīñ milne vaalī
ras aane lagi duniya to kaha dil ne ki ja
ab tujhe dard ki daulat nahin milne wali
-
Tags : Attitudeand 2 more
tujhe kuchh ishq o ulfat ke sivā bhī yaad hai ai dil
sunā.e jā rahā hai ek hī afsāna barsoñ se
tujhe kuchh ishq o ulfat ke siwa bhi yaad hai ai dil
sunae ja raha hai ek hi afsana barson se
-
Tags : Ishqand 2 more
dil abhī puurī tarah TuuTā nahīñ
dostoñ kī mehrbānī chāhiye
my heartbreak's not complete, it pends
I need some favours from my friends
dil abhi puri tarah TuTa nahin
doston ki mehrbani chahiye
my heartbreak's not complete, it pends
I need some favours from my friends
-
Tags : Dostand 1 more
phuul barse kahīñ shabnam kahīñ gauhar barse
aur is dil kī taraf barse to patthar barse
phul barse kahin shabnam kahin gauhar barse
aur is dil ki taraf barse to patthar barse
muddat ke ba.ad aaj use dekh kar 'munīr'
ik baar dil to dhaḌkā magar phir sambhal gayā
muddat ke baad aaj use dekh kar 'munir'
ek bar dil to dhaDka magar phir sambhal gaya
mire laboñ kā tabassum to sab ne dekh liyā
jo dil pe biit rahī hai vo koī kyā jaane
mere labon ka tabassum to sab ne dekh liya
jo dil pe bit rahi hai wo koi kya jaane
-
Tag : Dard
dil pāgal hai roz na.ī nādānī kartā hai
aag meñ aag milātā hai phir paanī kartā hai
dil pagal hai roz nai nadani karta hai
aag mein aag milata hai phir pani karta hai
rāh-e-dil ko rauñd kar aage nikal jā.eñge log
aañkh meñ uThtā ġhubār-e-qāfila rah jā.egā
rah-e-dil ko raund kar aage nikal jaenge log
aankh mein uThta ghubar-e-qafila rah jaega
-
Tag : Eyes
ham to kuchh der hañs bhī lete haiñ
dil hamesha udaas rahtā hai
hum to kuchh der hans bhi lete hain
dil hamesha udas rahta hai
dil sā vahshī kabhī qaabū meñ na aayā yaaro
haar kar baiTh ga.e jaal bichhāne vaale
dil sa wahshi kabhi qabu mein na aaya yaro
haar kar baiTh gae jal bichhane wale
-
Tag : Haar
dil unheñ deñge magar ham deñge in shartoñ ke saath
aazmā kar jāñch kar sun kar samajh kar dekh kar
dil unhen denge magar hum denge in sharton ke sath
aazma kar jaanch kar sun kar samajh kar dekh kar
nafrat bhī usī se hai parastish bhī usī kī
is dil sā koī ham ne to kāfar nahīñ dekhā
nafrat bhi usi se hai parastish bhi usi ki
is dil sa koi hum ne to kafar nahin dekha
dimāġh ahl-e-mohabbat kā saath detā nahīñ
use kaho ki vo dil ke kahe meñ aa jaa.e
dimagh ahl-e-mohabbat ka sath deta nahin
use kaho ki wo dil ke kahe mein aa jae
dil kī bastī purānī dillī hai
jo bhī guzrā hai us ne luuTā hai
dil ki basti purani dilli hai
jo bhi guzra hai us ne luTa hai
mujhe to un kī ibādat pe rahm aatā hai
jabīñ ke saath jo sajde meñ dil jhukā na sake
mujhe to un ki ibaadat pe rahm aata hai
jabin ke sath jo sajde mein dil jhuka na sake
mohabbat meñ ik aisā vaqt bhī dil par guzartā hai
ki aañsū ḳhushk ho jaate haiñ tuġhyānī nahīñ jaatī
mohabbat mein ek aisa waqt bhi dil par guzarta hai
ki aansu KHushk ho jate hain tughyani nahin jati
-
Tags : Aansooand 1 more
ulfat meñ barābar hai vafā ho ki jafā ho
har baat meñ lazzat hai agar dil meñ mazā ho
ulfat mein barabar hai wafa ho ki jafa ho
har baat mein lazzat hai agar dil mein maza ho
dil kabhī ḳhvāb ke pīchhe kabhī duniyā kī taraf
ek ne ajr diyā ek ne ujrat nahīñ dī
dil kabhi KHwab ke pichhe kabhi duniya ki taraf
ek ne ajr diya ek ne ujrat nahin di
-
Tags : Duniyaand 1 more
but-ḳhāna toḌ Dāliye masjid ko Dhā.iye
dil ko na toḌiye ye ḳhudā kā maqām hai
you may excavate the temple, the mosque you may explode
do not break the heart of man, for this is God's abode
but-KHana toD Daliye masjid ko Dhaiye
dil ko na toDiye ye KHuda ka maqam hai
you may excavate the temple, the mosque you may explode
do not break the heart of man, for this is God's abode
jo jī meñ aave to Tuk jhāñk apne dil kī taraf
ki us taraf ko idhar se bhī raah nikle hai
jo ji mein aawe to Tuk jhank apne dil ki taraf
ki us taraf ko idhar se bhi rah nikle hai
dil hijr ke dard se bojhal hai ab aan milo to behtar ho
is baat se ham ko kyā matlab ye kaise ho ye kyūñkar ho
dil hijr ke dard se bojhal hai ab aan milo to behtar ho
is baat se hum ko kya matlab ye kaise ho ye kyunkar ho
-
Tags : Dardand 1 more
siine meñ ik khaTak sī hai aur bas
ham nahīñ jānte ki kyā hai dil
sine mein ek khaTak si hai aur bas
hum nahin jaante ki kya hai dil
dil jo TūTegā to ik tarfa charāġhāñ hogā
kitne ā.īnoñ meñ vo shakl dikhā.ī degī
dil jo TuTega to ek tarfa charaghan hoga
kitne aainon mein wo shakl dikhai degi
dil sarāpā dard thā vo ibtidā-e-ishq thī
intihā ye hai ki 'fānī' dard ab dil ho gayā
dil sarapa dard tha wo ibtida-e-ishq thi
intiha ye hai ki 'fani' dard ab dil ho gaya
dil ko ḳhudā kī yaad tale bhī dabā chukā
kam-baḳht phir bhī chain na paa.e to kyā karūñ
dil ko KHuda ki yaad tale bhi daba chuka
kam-baKHt phir bhi chain na pae to kya karun
-
Tags : Bechainiand 1 more
dil kī taklīf kam nahīñ karte
ab koī shikva ham nahīñ karte
dil ki taklif kam nahin karte
ab koi shikwa hum nahin karte
-
Tag : Shikwa
dil ke vīrāne meñ ghūme to bhaTak jāoge
raunaq-e-kūcha-o-bāzār se aage na baḌho
dil ke virane mein ghume to bhaTak jaoge
raunaq-e-kucha-o-bazar se aage na baDho
ḳhvāhishoñ ne Dubo diyā dil ko
varna ye bahr-e-be-karāñ hotā
KHwahishon ne Dubo diya dil ko
warna ye bahr-e-be-karan hota
mohabbat kā tum se asar kyā kahūñ
nazar mil ga.ī dil dhaḌakne lagā
mohabbat ka tum se asar kya kahun
nazar mil gai dil dhaDakne laga
dost ahbāb se lene na sahāre jaanā
dil jo ghabrā.e samundar ke kināre jaanā
dost ahbab se lene na sahaare jaana
dil jo ghabrae samundar ke kinare jaana
na jhaTko zulf se paanī ye motī TuuT jā.eñge
tumhārā kuchh na bigḌegā magar dil TuuT jā.eñge
na jhaTko zulf se pani ye moti TuT jaenge
tumhaara kuchh na bigDega magar dil TuT jaenge
-
Tags : Famous shayariand 2 more
hamārā intiḳhāb achchhā nahīñ ai dil to phir tū hī
ḳhayāl-e-yār se behtar koī mehmān paidā kar
hamara intiKHab achchha nahin ai dil to phir tu hi
KHayal-e-yar se behtar koi mehman paida kar
aql har baar dikhātī thī jale haath apne
dil ne har baar kahā aag parā.ī le le
aql har bar dikhati thi jale hath apne
dil ne har bar kaha aag parai le le
-
Tag : Fire
dil kī rāheñ judā haiñ duniyā se
koī bhī rāhbar nahīñ hotā
dil ki rahen juda hain duniya se
koi bhi rahbar nahin hota
-
Tag : Rahbar
dard-e-dil pahle to vo sunte na the
ab ye kahte haiñ zarā āvāz se
dard-e-dil pahle to wo sunte na the
ab ye kahte hain zara aawaz se
-
Tags : Awazand 1 more
tujh ko pā kar bhī na kam ho sakī be-tābī-e-dil
itnā āsān tire ishq kā ġham thā hī nahīñ
tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin
āñdhī chalī to naqsh-e-kaf-e-pā nahīñ milā
dil jis se mil gayā vo dobārā nahīñ milā
aandhi chali to naqsh-e-kaf-e-pa nahin mila
dil jis se mil gaya wo dobara nahin mila