مرزا غالب پر اشعار

قسمت کے بازار سے بس اک چیز ہی تو لے سکتے تھے

تم نے تاج اٹھایا میں نے غالبؔ کا دیوان لیا

حامی بھی نہ تھے منکر غالبؔ بھی نہیں تھے

ہم اہل تذبذب کسی جانب بھی نہیں تھے

حالیؔ سخن میں شیفتہؔ سے مستفید ہے

غالبؔ کا معتقد ہے مقلد ہے میرؔ کا

ہم خود بھی ہوئے نادم جب حرف دعا نکلا

سمجھے تھے جسے پتھر وہ شخص خدا نکلا

تم کو دعویٰ ہے سخن فہمی کا

جاؤ غالبؔ کے طرف دار بنو

غالبؔ وہ شخص تھا ہمہ داں جس کے فیض سے

ہم سے ہزار ہیچ مداں نامور ہوئے

وہ تبسم ہے کہ غالبؔ کی طرح دار غزل

دیر تک اس کی بلاغت کو پڑھا کرتے ہیں

اریبؔ دیکھو نہ اتراؤ چند شعروں پر

غزل وہ فن ہے کہ غالبؔ کو تم سلام کرو

غالب اور میرزا یگانہؔ کا

آج کیا فیصلہ کرے کوئی

سازؔ جب کھلا ہم پر شعر کوئی غالبؔ کا

ہم نے گویا باطن کا اک سراغ سا پایا