dil aaina hai magar ek nigah karne ko

dil ā.īna hai magar ik nigāh karne ko

ye ghar banāyā hai us ne tabāh karne ko

gul-e-visāl abhī dekhā na thā ki aa pahuñchī

shab-e-firāq bhī āñkheñ siyāh karne ko

galīm o taḳht utāre haiñ ġhaib se us ne

mujhe faqīr tujhe bādshāh karne ko

saje haiñ dasht o bayābāñ ajab qarīne se

tujhe savār mujhe gard-e-rāh karne ko

milī mujhe tirī ham-sā.egī so duniyā meñ

tamīz-e-martaba-e-koh-o-kāh karne ko

damīda har shajar-e-gard-bād naḳhl-e-junūñ

hamāre chāk-e-garebāñ se raah karne ko

Dil-e-gudāḳhta o chashm-e-tar hī kaafī hai

futūh-e-mamlikat-e-mehr-o-māh karne ko

dil aaina hai magar ek nigah karne ko

ye ghar banaya hai us ne tabah karne ko

gul-e-visal abhi dekha na tha ki aa pahunchi

shab-e-firaq bhi aankhen siyah karne ko

galim o taKHt utare hain ghaib se us ne

mujhe faqir tujhe baadshah karne ko

saje hain dasht o bayaban ajab qarine se

tujhe sawar mujhe gard-e-rah karne ko

mili mujhe teri ham-saegi so duniya mein

tamiz-e-martaba-e-koh-o-kah karne ko

damida har shajar-e-gard-baad naKHl-e-junun

hamare chaak-e-gareban se rah karne ko

Dil-e-gudaKHta o chashm-e-tar hi kafi hai

futuh-e-mamlikat-e-mehr-o-mah karne ko