koi jal mein KHush hai koi jal mein

koī jal meñ ḳhush hai koī jaal meñ

mast haiñ sab apne apne haal meñ

jāda-e-shamshīr ho yā farsh-e-gul

farq kab aayā hamārī chaal meñ

ek aañsū se kamī aa jā.egī

ġhāliban dariyāoñ ke iqbāl meñ

shola-e-sad-rañg kī sī kaifiyat

tujh meñ hai yā tere ḳhadd-o-ḳhāl meñ

ek lamha merā yār-e-ġhār hai

is musībat-gāh-e-māh-o-sāl meñ

ye jo mere jī ko chain aatā nahīñ

hind meñ īrān meñ bañgāl meñ

roz kā ronā lagā hai apne saath

ham ne āñkheñ bāñdh liiñ rumāl meñ

diida o dil ne kiyā hai kaam band

Thap hai kārobār is haḌtāl meñ

is nigāh-e-nāz kī ek ek baat

hai hamāre piir ke aqvāl meñ

dil pe saaya hai kisī sultān kā

varna kyā rakkhā hai is kañgāl meñ

koi jal mein KHush hai koi jal mein

mast hain sab apne apne haal mein

jada-e-shamshir ho ya farsh-e-gul

farq kab aaya hamari chaal mein

ek aansu se kami aa jaegi

ghaaliban dariyaon ke iqbaal mein

shola-e-sad-rang ki si kaifiyat

tujh mein hai ya tere KHadd-o-KHal mein

ek lamha mera yar-e-ghaar hai

is musibat-gah-e-mah-o-sal mein

ye jo mere ji ko chain aata nahin

hind mein iran mein bangal mein

roz ka rona laga hai apne sath

hum ne aankhen bandh lin rumal mein

dida o dil ne kiya hai kaam band

Thap hai karobar is haDtal mein

is nigah-e-naz ki ek ek baat

hai hamare pir ke aqwal mein

dil pe saya hai kisi sultan ka

warna kya rakkha hai is kangal mein