yaad-e-ghazal-chashman zikr-e-saman-azaran

yād-e-ġhazāl-chashmāñ zikr-e-saman-azārāñ

jab chāhā kar liyā hai kunj-e-qafas bahārāñ

āñkhoñ meñ dard-mandī hoñToñ pe uzr-ḳhvāhī

jānāna vaar aa.ī shām-e-firāqyāra

nāmūs-e-jān-o-dil kī baazī lagī thī varna

āsāñ na thī kuchh aisī rāh-e-vafā-shi.ārāñ

mujrim ho ḳhvāh koī rahtā hai nāsehoñ kā

rū-e-suḳhan hamesha sū-e-jigar-figārāñ

hai ab bhī vaqt zāhid tarmīm-e-zuhd kar le

sū-e-haram chalā hai amboh-e-bāda-ḳhvārāñ

shāyad qarīb pahuñchī sub.h-e-visāl hamdam

mauj-e-sabā liye hai ḳhush-bū-e-ḳhush-kinārāñ

hai apnī kisht-e-vīrāñ sarsabz is yaqīñ se

ā.eñge is taraf bhī ik roz abr-o-bārāñ

aa.egī 'faiz' ik din bād-e-bahār le kar

taslīm-e-mai-faroshāñ paiġhām-e-mai-gusārāñ

yaad-e-ghazal-chashman zikr-e-saman-azaran

jab chaha kar liya hai kunj-e-qafas bahaaran

aankhon mein dard-mandi honTon pe uzr-KHwahi

jaanana war aai sham-e-firaqyara

namus-e-jaan-o-dil ki bazi lagi thi warna

aasan na thi kuchh aisi rah-e-wafa-shiaran

mujrim ho KHwah koi rahta hai nasehon ka

ru-e-suKHan hamesha su-e-jigar-figaran

hai ab bhi waqt zahid tarmim-e-zuhd kar le

su-e-haram chala hai amboh-e-baada-KHwaran

shayad qarib pahunchi subh-e-visal hamdam

mauj-e-saba liye hai KHush-bu-e-KHush-kinaran

hai apni kisht-e-viran sarsabz is yaqin se

aaenge is taraf bhi ek roz abr-o-baran

aaegi 'faiz' ek din baad-e-bahaar le kar

taslim-e-mai-faroshan paigham-e-mai-gusaran