ghar mire shab ko jo vo rashk-e-qamar aa niklā

ho ga.e partav-e-ruḳh se dar o dīvār safed

ghar mere shab ko jo wo rashk-e-qamar aa nikla

ho gae partaw-e-ruKH se dar o diwar safed

kis qadar dil se farāmosh kiyā āshiq ko

na kabhī aap ko bhūle se bhī maiñ yaad aayā

kis qadar dil se faramosh kiya aashiq ko

na kabhi aap ko bhule se bhi main yaad aaya

kis tarah 'amānat' na rahūñ ġham se maiñ dil-gīr

āñkhoñ meñ phirā kartī hai ustād kī sūrat

kis tarah 'amanat' na rahun gham se main dil-gir

aankhon mein phira karti hai ustad ki surat

ravāñ davāñ nahīñ yaañ ashk chashm-e-tar kī tarah

girah meñ rakhte haiñ ham aabrū guhar kī tarah

rawan dawan nahin yan ashk chashm-e-tar ki tarah

girah mein rakhte hain hum aabru guhar ki tarah

vahm hī vahm meñ apnī huī auqāt basar

kamar-e-yār ko bhūle to dahan yaad aayā

wahm hi wahm mein apni hui auqat basar

kamar-e-yar ko bhule to dahan yaad aaya