Sher of Kaleem Aajiz
dard aisā hai ki jī chāhe hai zinda rahiye
zindagī aisī ki mar jaane ko jī chāhe hai
dard aisa hai ki ji chahe hai zinda rahiye
zindagi aisi ki mar jaane ko ji chahe hai
zālim thā vo aur zulm kī aadat bhī bahut thī
majbūr the ham us se mohabbat bhī bahut thī
zalim tha wo aur zulm ki aadat bhi bahut thi
majbur the hum us se mohabbat bhi bahut thi
na jaane ruuTh ke baiThā hai dil kā chain kahāñ
mile to us ko hamārā koī salām kahe
na jaane ruTh ke baiTha hai dil ka chain kahan
mile to us ko hamara koi salam kahe
-
Tag : Sukoon
-
Share this
- See Ghazal
- Critique
- Comments
- Download
dāman pe koī chhīñT na ḳhanjar pe koī daaġh
tum qatl karo ho ki karāmāt karo ho
daman pe koi chhinT na KHanjar pe koi dagh
tum qatl karo ho ki karamat karo ho
-
Share this
- See Ghazal
- Critique
- Comments
- Download
rakhnā hai kahīñ paañv to rakkho ho kahīñ paañv
chalnā zarā aayā hai to itrā.e chalo ho
rakhna hai kahin panw to rakkho ho kahin panw
chalna zara aaya hai to itrae chalo ho
-
Share this
- See Ghazal
- Critique
- Comments
- Download
bahāroñ kī nazar meñ phuul aur kāñTe barābar haiñ
mohabbat kyā kareñge dost dushman dekhne vaale
bahaaron ki nazar mein phul aur kanTe barabar hain
mohabbat kya karenge dost dushman dekhne wale
kare hai adāvat bhī vo is adā se
lage hai ki jaise mohabbat kare hai
kare hai adawat bhi wo is ada se
lage hai ki jaise mohabbat kare hai
ye aañsū be-sabab jaarī nahīñ hai
mujhe rone kī bīmārī nahīñ hai
ye aansu be-sabab jari nahin hai
mujhe rone ki bimari nahin hai
-
Tag : Aansoo
-
Share this
- See Ghazal
- Critique
- Comments
- Download
guzar jā.eñge jab din guzre aalam yaad ā.eñge
hameñ tum yaad aaoge tumheñ ham yaad ā.eñge
guzar jaenge jab din guzre aalam yaad aaenge
hamein tum yaad aaoge tumhein hum yaad aaenge
tumheñ yaad hī na aa.uuñ ye hai aur baat varna
maiñ nahīñ huuñ duur itnā ki salām tak na pahuñche
tumhein yaad hi na aaun ye hai aur baat warna
main nahin hun dur itna ki salam tak na pahunche
ġham hai to koī lutf nahīñ bistar-e-gul par
jī ḳhush hai to kāñToñ pe bhī ārām bahut hai
gham hai to koi lutf nahin bistar-e-gul par
ji KHush hai to kanTon pe bhi aaram bahut hai
kyā sitam hai ki vo zālim bhī hai mahbūb bhī hai
yaad karte na bane aur bhulā.e na bane
kya sitam hai ki wo zalim bhi hai mahbub bhi hai
yaad karte na bane aur bhulae na bane
baat chāhe be-salīqa ho 'kalīm'
baat kahne kā salīqa chāhiye
baat chahe be-saliqa ho 'kalim'
baat kahne ka saliqa chahiye
-
Share this
- See Ghazal
- Critique
- Comments
- Download
talḳhiyāñ is meñ bahut kuchh haiñ mazā kuchh bhī nahīñ
zindagī dard-e-mohabbat ke sivā kuchh bhī nahīñ
talKHiyan is mein bahut kuchh hain maza kuchh bhi nahin
zindagi dard-e-mohabbat ke siwa kuchh bhi nahin
vo kahte haiñ har choT par muskurāo
vafā yaad rakkho sitam bhuul jaao
wo kahte hain har choT par muskurao
wafa yaad rakkho sitam bhul jao
sunegā kaun merī chāk-dāmānī kā afsāna
yahāñ sab apne apne pairahan kī baat karte haiñ
sunega kaun meri chaak-damani ka afsana
yahan sab apne apne pairahan ki baat karte hain
ye tarz-e-ḳhās hai koī kahāñ se lā.egā
jo ham kaheñge kisī se kahā na jā.egā
ye tarz-e-KHas hai koi kahan se laega
jo hum kahenge kisi se kaha na jaega
ishq meñ maut kā naam hai zindagī
jis ko jiinā ho marnā gavārā kare
Life is but another name / for the death, in Love' domain
He who wants to live, should first / be willing to be slain
ishq mein maut ka nam hai zindagi
jis ko jina ho marna gawara kare
Life is but another name / for the death, in Love' domain
He who wants to live, should first / be willing to be slain
-
Share this
- Translation
- Critique
- Comments
- Download
mausam-e-gul hameñ jab yaad aayā
jitnā ġham bhūle the sab yaad aayā
mausam-e-gul hamein jab yaad aaya
jitna gham bhule the sab yaad aaya
uThte huoñ ko sab ne sahārā diyā 'kalīm'
girte hue ġharīb sambhāle kahāñ ga.e
uThte huon ko sab ne sahaara diya 'kalim'
girte hue gharib sambhaale kahan gae
-
Tag : Tanz
-
Share this
- See Ghazal
- Critique
- Comments
- Download
zarā dekh aa.ina merī vafā kā
ki tū kaisā thā ab kaisā lage hai
zara dekh aaina meri wafa ka
ki tu kaisa tha ab kaisa lage hai
-
Share this
- See Ghazal
- Critique
- Comments
- Download
bhalā aadmī thā pa nādān niklā
sunā hai kisī se mohabbat kare hai
bhala aadmi tha pa nadan nikla
suna hai kisi se mohabbat kare hai
din ek sitam ek sitam raat karo ho
vo dost ho dushman ko bhī tum maat karo ho
din ek sitam ek sitam raat karo ho
wo dost ho dushman ko bhi tum mat karo ho
kal kahte rahe haiñ vahī kal kahte raheñge
har daur meñ ham un pe ġhazal kahte raheñge
kal kahte rahe hain wahi kal kahte rahenge
har daur mein hum un pe ghazal kahte rahenge
unhīñ ke giit zamāne meñ gaa.e jā.eñge
jo choT khā.eñge aur muskurā.e jā.eñge
unhin ke git zamane mein gae jaenge
jo choT khaenge aur muskurae jaenge
ik ghar bhī salāmat nahīñ ab shahr-e-vafā meñ
tū aag lagāne ko kidhar jaa.e hai pyāre
ek ghar bhi salamat nahin ab shahr-e-wafa mein
tu aag lagane ko kidhar jae hai pyare
-
Share this
- See Ghazal
- Critique
- Comments
- Download
apnā lahū bhar kar logoñ ko baañT ga.e paimāne log
duniyā bhar ko yaad raheñge ham jaise dīvāne log
apna lahu bhar kar logon ko banT gae paimane log
duniya bhar ko yaad rahenge hum jaise diwane log
-
Tag : Self-Praise
vo baat zarā sī jise kahte haiñ ġham-e-dil
samjhāne meñ ik umr guzar jaa.e hai pyāre
wo baat zara si jise kahte hain gham-e-dil
samjhane mein ek umr guzar jae hai pyare
ḳhamoshī meñ har baat ban jaa.e hai
jo bole hai dīvāna kahlā.e hai
KHamoshi mein har baat ban jae hai
jo bole hai diwana kahlae hai
-
Tag : Khamoshi
-
Share this
- See Ghazal
- Critique
- Comments
- Download
sunā hai hameñ bevafā tum kaho ho
zarā ham se āñkheñ milā lo to jāneñ
suna hai hamein bewafa tum kaho ho
zara hum se aankhen mila lo to jaanen
marnā to bahut sahal sī ik baat lage hai
jiinā hī mohabbat meñ karāmāt lage hai
marna to bahut sahal si ek baat lage hai
jina hi mohabbat mein karamat lage hai
mirī shā.erī meñ na raqs-e-jām na mai kī rañg-fishāniyāñ
vahī dukh-bharoñ kī hikāyateñ vahī dil-jaloñ kī kahāniyāñ
meri shaeri mein na raqs-e-jam na mai ki rang-fishaniyan
wahi dukh-bharon ki hikayaten wahi dil-jalon ki kahaniyan
-
Tag : Self-Praise
-
Share this
- See Ghazal
- Critique
- Comments
- Download
hamāre qatl se qātil ko tajraba ye huā
lahū lahū bhī hai mehñdī bhī hai sharāb bhī hai
hamare qatl se qatil ko tajraba ye hua
lahu lahu bhi hai mehndi bhi hai sharab bhi hai
kuchh roz se ham shahr meñ rusvā na hue haiñ
aa phir koī ilzām lagāne ke liye aa
kuchh roz se hum shahr mein ruswa na hue hain
aa phir koi ilzam lagane ke liye aa
-
Share this
- See Ghazal
- Critique
- Comments
- Download
mai-kade kī taraf chalā zāhid
sub.h kā bhūlā shaam ghar aayā
the priest now proceeds towards the tavern's door
to the true path returns he who strayed before
mai-kade ki taraf chala zahid
subh ka bhula sham ghar aaya
the priest now proceeds towards the tavern's door
to the true path returns he who strayed before
-
Tag : Maikada
-
Share this
- Translation
- Critique
- Comments
- Download
dil dard kī bhaTTī meñ ka.ī baar jale hai
tab ek ġhazal husn ke sāñche meñ Dhale hai
dil dard ki bhaTTi mein kai bar jale hai
tab ek ghazal husn ke sanche mein Dhale hai
-
Share this
- See Ghazal
- Critique
- Comments
- Download
ab insānoñ kī bastī kā ye aalam hai ki mat pūchho
lage hai aag ik ghar meñ to ham-sāya havā de hai
ab insanon ki basti ka ye aalam hai ki mat puchho
lage hai aag ek ghar mein to ham-saya hawa de hai
-
Share this
- See Ghazal
- Critique
- Comments
- Download
dil thaam ke karvaT pe liye jā.ūñ huuñ karvaT
vo aag lagī hai ki bujhā.e na bane hai
dil tham ke karwaT pe liye jaun hun karwaT
wo aag lagi hai ki bujhae na bane hai
mirā haal pūchh ke ham-nashīñ mire soz-e-dil ko havā na de
bas yahī duā maiñ karūñ huuñ ab ki ye ġham kisī ko ḳhudā na de
mera haal puchh ke ham-nashin mere soz-e-dil ko hawa na de
bas yahi dua main karun hun ab ki ye gham kisi ko KHuda na de
-
Share this
- See Ghazal
- Critique
- Comments
- Download
āzmānā hai to aa baazū o dil kī quvvat
tū bhī shamshīr uThā ham bhī ġhazal kahte haiñ
aazmana hai to aa bazu o dil ki quwwat
tu bhi shamshir uTha hum bhi ghazal kahte hain
vo sitam na Dhaa.e to kyā kare use kyā ḳhabar ki vafā hai kyaa?
tū usī ko pyaar kare hai kyuuñ ye 'kalīm' tujh ko huā hai kyaa?
wo sitam na Dhae to kya kare use kya KHabar ki wafa hai kya?
tu usi ko pyar kare hai kyun ye 'kalim' tujh ko hua hai kya?
maiñ mohabbat na chhupā.ūñ tū adāvat na chhupā
na yahī raaz meñ ab hai na vahī raaz meñ hai
main mohabbat na chhupaun tu adawat na chhupa
na yahi raaz mein ab hai na wahi raaz mein hai
fan meñ na mo.ajaza na karāmāt chāhiye
dil ko lage bas aisī koī baat chāhiye
fan mein na moajaza na karamat chahiye
dil ko lage bas aisi koi baat chahiye
duniyā meñ ġharīboñ ko do kaam hī aate haiñ
khāne ke liye jiinā jiine ke liye khānā
duniya mein gharibon ko do kaam hi aate hain
khane ke liye jina jine ke liye khana
mai meñ koī ḳhāmī hai na sāġhar meñ koī khoT
piinā nahīñ aa.e hai to chhalkā.e chalo ho
mai mein koi KHami hai na saghar mein koi khoT
pina nahin aae hai to chhalkae chalo ho
-
Share this
- See Ghazal
- Critique
- Comments
- Download
haañ kuchh bhī to derīna mohabbat kā bharam rakh
dil se na aa duniyā ko dikhāne ke liye aa
han kuchh bhi to derina mohabbat ka bharam rakh
dil se na aa duniya ko dikhane ke liye aa
merī ġhazal ko merī jaañ faqat ġhazal na samajh
ik aa.ina hai jo har dam tire muqābil hai
meri ghazal ko meri jaan faqat ghazal na samajh
ek aaina hai jo har dam tere muqabil hai
tujhe sañg-dil ye pata hai kyā ki dukhe diloñ kī sadā hai kyaa?
kabhī choT tū ne bhī khaa.ī hai kabhī terā dil bhī dukhā hai kyaa?
tujhe sang-dil ye pata hai kya ki dukhe dilon ki sada hai kya?
kabhi choT tu ne bhi khai hai kabhi tera dil bhi dukha hai kya?
-
Share this
- See Ghazal
- Critique
- Comments
- Download
bahut dushvār samjhānā hai ġham kā
samajh lene meñ dushvārī nahīñ hai
bahut dushwar samjhana hai gham ka
samajh lene mein dushwari nahin hai
-
Tag : Gham
-
Share this
- See Ghazal
- Critique
- Comments
- Download
kabhī aisā bhī hove hai rote rote
jigar thaam kar muskurānā paḌe hai
kabhi aisa bhi howe hai rote rote
jigar tham kar muskurana paDe hai