برصغیر میں مکتب میں قدم رکھتے ہی اکثر بچوں کے ہاتھوں کی زینت بننے والی یہ پہلی کتاب ہوا کر تی تھی ۔ آج بھی مکاتب و مدارس میں اس کتاب کو اولیت حاصل ہے ۔ اس کی وجہ صرف یہ ہے کہ اس میں سیکھنے کا عمل بتدریج ہے ۔ بہت سارے افراد دوسری کتاب سے اردو سیکھنا شروع کر تے ہیں لیکن بہت ہی جلد اس کتاب کی جانب رجوع ہوجاتے ہیں ۔ پہلے تمام حروف تہجی کی شناخت ایک ساتھ کرائی گئی ہے پھر دو حرفی لفظ بنائے گئے ہیں جو آپس میں نہیں ملتے ہیں ۔ اس کے بعد ملنے والے دوحروف کے الفاظ ہیں ۔ اس طریقے سے تمام حروف کی شناخت کرائی گئی ہے ، کوئی حرف شروع میں کیسے آ تا ہے بیچ میں کیسے آتا ہے پھر آخر لفظ میں اس کی کیا شناخت ہوتی ہے سب کو بہت ہی سلیقہ سے پیش کیا گیا ہے ۔ اس کتاب کی خصوصیت یہ ہے کہ اس میں تکر ار اتنا ہے کہ بچہ اس حرف کو کتاب ختم ہونے تک پہچان ہی لیتا ہے اور پھر اس کے آگے کی کتاب کے لیے استاد کی مدد بہت ہی کم لینی پڑتی ہے ۔ الغر ض اردو زبان سیکھنے کے لیے یہ سب سے پہلی کتاب ہے جو بہت ہی زیادہ مقبول رہی ہے اور اب تک اس کی مقبولیت میں کمی نہیں آئی ہے ۔