SHER

Thousands of quotable sher based on theme


  • samjhegaa aadmii ko vahaa.n kaun aadmii
    banda jahaa.n KHudaa ko KHudaa maantaa nahii.n

    SABA AKBARABADI

  • vo aa rahe hai.n vo aate hai.n aa rahe ho.nge
    shab-e-firaaq ye kah kar guzaar dii ham ne

    FAIZ AHMAD FAIZ

  • bashar aamaal kar achchhe tire aqbaa me.n kaam aa.e.n
    vahaa.n jannat nahii.n miltii yahaa.n se saath jaatii hai

    UNKNOWN

  • aa.e to yuu.n ki jaise hamesha the mehrbaan
    bhuule to yuu.n ki goyaa kabhii aashnaa na the

    FAIZ AHMAD FAIZ

  • yaqii.n mohkam amal paiham mohabbat faatah-e-aalam
    jihaad-e-zindagaanii me.n hai.n ye mardo.n kii shamshiire.n

    ALLAMA IQBAL

  • na gul khile hai.n na un se mile na mai pii hai
    ajiib ra.ng me.n ab ke bahaar guzrii hai

    FAIZ AHMAD FAIZ

  • vafaa jis se kii bevafaa ho gayaa
    jise but banaayaa KHudaa ho gayaa

    HAFEEZ JALANDHARI

  • dil TuuTne se tho.Dii sii takliif to hu.ii
    lekin tamaam umr ko aaraam ho gayaa

    UNKNOWN

  • dil rahe yaa na rahe zaKHm bhare yaa na bhare
    chaarasaazo.n kii KHushaamad mujhe manzuur nahii.n

    NATIQ LAKHNAVI

  • kaun sii baat hai jo us me.n nahii.n
    us ko dekhe mirii nazar se ko.ii

    SHAHRYAR

  • ye umr bhar kaa safar hai isii sahaare par
    ki vo kha.Daa hai abhii duusre kinaare par

    SABIR WASEEM

  • na puuchho mujh se lazzat KHaanamaa.n-barbaad rahne kii
    nasheman saik.Do.n mai.n ne banaa kar phuu.nk Daale hai.n

    ALLAMA IQBAL

  • sitaaro.n se aage jahaa.n aur bhii hai.n
    abhii ishq ke imtihaa.n aur bhii hai.n

    ALLAMA IQBAL

  • roz sochaa hai bhuul jaa.uu.n tujhe
    roz ye baat bhuul jaataa huu.n

    UNKNOWN

  • nahii.n khel ai 'daaG' yaaro.n se kah do
    ki aatii hai urdu zabaa.n aate aate

    DAGH DEHLVI

SHAYARI IMAGES

Hundreds of Beautiful Images of Shayari to Enjoy and Share

SEE ALL

Tag