ġham-e-zamāna ne majbūr kar diyā varna

ye aarzū thī ki bas terī aarzū karte

gham-e-zamana ne majbur kar diya warna

ye aarzu thi ki bas teri aarzu karte

aarzū hasrat aur ummīd shikāyat aañsū

ik tirā zikr thā aur biich meñ kyā kyā niklā

aarzu hasrat aur ummid shikayat aansu

ek tera zikr tha aur bich mein kya kya nikla

aaj tak dil kī aarzū hai vahī

phuul murjhā gayā hai bū hai vahī

aaj tak dil ki aarzu hai wahi

phul murjha gaya hai bu hai wahi

hazāroñ ḳhvāhisheñ aisī ki har ḳhvāhish pe dam nikle

bahut nikle mire armān lekin phir bhī kam nikle

hazaron KHwahishen aisi ki har KHwahish pe dam nikle

bahut nikle mere arman lekin phir bhi kam nikle

ḳharāb-e-dahr na maiñ ḳhud huā na tū ne kiyā

jo kuchh kiyā tire milne kī aarzū ne kiyā

KHarab-e-dahr na main KHud hua na tu ne kiya

jo kuchh kiya tere milne ki aarzu ne kiya