zahir ki aankh se na tamasha kare koi

zāhir kī aañkh se na tamāshā kare koī

ho dekhnā to dīda-e-dil vā kare koī

mansūr ko huā lab-e-goyā payām-e-maut

ab kyā kisī ke 'ishq kā dā'vā kare koī

ho diid kā jo shauq to āñkhoñ ko band kar

hai dekhnā yahī ki na dekhā kare koī

maiñ intihā-e-'ishq huuñ tū intihā-e-husn

dekhe mujhe ki tujh ko tamāshā kare koī

'uzr-āfrīn-e-jurm-e-mohabbat hai husn-e-dost

mahshar meñ 'uzr-e-tāza na paidā kare koī

chhuptī nahīñ hai ye nigah-e-shauq ham-nashīñ

phir aur kis tarah unheñ dekhā kare koī

uḌ baiThe kyā samajh ke bhalā tuur par kalīm

tāqat ho diid kī to taqāzā kare koī

nazāre ko ye jumbish-e-mizhgāñ bhī baar hai

nargis kī aañkh se tujhe dekhā kare koī

khil jaa.eñ kyā maze haiñ tamannā-e-shauq meñ

do chaar din jo merī tamanna kare koī

zahir ki aankh se na tamasha kare koi

ho dekhna to dida-e-dil wa kare koi

mansur ko hua lab-e-goya payam-e-maut

ab kya kisi ke 'ishq ka da'wa kare koi

ho did ka jo shauq to aankhon ko band kar

hai dekhna yahi ki na dekha kare koi

main intiha-e-'ishq hun tu intiha-e-husn

dekhe mujhe ki tujh ko tamasha kare koi

'uzr-afrin-e-jurm-e-mohabbat hai husn-e-dost

mahshar mein 'uzr-e-taza na paida kare koi

chhupti nahin hai ye nigah-e-shauq ham-nashin

phir aur kis tarah unhen dekha kare koi

uD baiThe kya samajh ke bhala tur par kalim

taqat ho did ki to taqaza kare koi

nazare ko ye jumbish-e-mizhgan bhi bar hai

nargis ki aankh se tujhe dekha kare koi

khil jaen kya maze hain tamanna-e-shauq mein

do chaar din jo meri tamanna kare koi