زیر نظر کتاب در اصل ان طلباء کے لئے لکھی گئی ہے جو طلباء اسکول سے پڑھ کر یونیورسٹی سطح پر اسلامک اسٹیڈیز کے شعبہ مین حصہ لیتے ہیں، چونکہ اسلامک اسٹیڈیز میں حصہ لینے والے طلباء میں سے بڑی تعداد ایسے طلباء کی ہوتی ہے جو مدارس سے پڑھ کر آتے ہیں مگر جو طلباء مدارس ے پڑھ کر نہیں آتے ان کو اسلامک اسٹیدیز کا نصاب سمجھنا تھوڑا مشکل ہوتا ہے اس چیز کو مدنظر رکھتے ہوئے کتاب کو درسی انداز میں لکھا گیا ہے اورمختلف معیاری کتابوں سے مواد لیکر یکجا کر دیا گیا ہے تاکہ طلباء کو الگ الگ جگہوں کی خاک چھاننی نہ پڑے، اسی لئے ہر باب کے آخر میں ماخذ کی کتابوں کی فہرست بھی دیدی گئی ہے تاکہ طلباء دیگر کتابوں تک رسائی حاصل کرسکیں، اس کتاب کو چار حصوں میں تقسیم کیا گیا ہے پہلے حصے میں قرآنی علوم کو بیان کیا گیا ہے جب کہ دوسرے حصے میں حدیث، تیسرے میں فقہ اورچوتھے حصہ میں تصوف کی بنیادی باتیں بیان کی ہیں، کتاب کی زبان آسان اور اسلوب کافی سادہ ہے، اس لیے کتاب سے استفادہ کرنا آسان ہے۔