adabistan

पुस्तक: परिचय

ادبستان خلیقی دہلوی کے تخیلات اور ادبی مقالات کا مجموعہ ہے جس کو اختر شیرانی نے ایک جامع مقدمہ کے ساتھ ترتیب دیا ہے۔ اختر شیرانی نے مقدمہ میں ادب کا مقصد، ادب کی تعریف، ادب کے اجزائے ترکیبی ، اردو میں ادب لطیف کی بنیاد بیان کرتے ہوئے ، جدید دور کا پس منظر بیان کیا ہے۔ اس کے علا وہ مقدمہ میں خلیقی دہلوی کی طرز تحریر میں قدرت بیان، اظہار و خیال، الفاظ و معانی کی ہم آہنگی ،مشاہدہَ فطرت، اصلاح معاشرت، نسائیات کے عنوانات کے تحت ان کے نظریات و خصوصیات بیان کئے ہیں۔ اس کتاب میں کل تیس مختلف عنوانات کے تحت نظریات اور مقالات شامل کیے گئے ہیں۔ ان کی خاص بات یہ ہے کہ بیشتر مضامین میں تمثیلی انداز میں اظہار خیال کیا گیا ہے تو کچھ مضامین میں بات براہ راست سیدھے طور پر کہی گئی ہے۔ اس کتاب کے تمام مضامین بے حد معلوماتی اور علمی ہیں ۔ جن میں فلسفہ حیات، تخیل، تدبیر منزل، نسائیت و شعریت ،نیرنگ التفات، نور جہاں کا شکار ایسے فلسفیانہ اور نفسیاتی مضامین ہیں جو قاری کو تخیل کی سیر کرواتے ہیں۔

.....और पढ़िए