سراج الملک محمد علی حفیظ جون پوری اپنے دور کے بڑے باکمال شاعراور اچھے نثر نگار تھے ۔وہ قدیم شعری روایات کے امین بھی تھے اور جدید کے خواستگار بھی۔انہیں اپنے شعری مقام و مرتبہ کا بھی احساس تھا۔اسی لیے ان کے فن میں غزل کی جملہ روایات کے احترام والتزام کے ساتھ تعلّی، خود پسندی اور کسی قدر انانیت بھی ہے۔زیر نظر کتاب ان کا پہلا دیوان ہے ، اس دیوان کا نام "دیوان حفیظ"ہے جبکہ تاریخی نام "غمگسار " ہے،اس دیوان اول کی پہلی اشاعت منشی نوبت رائے نظر کے زیر اہتمام آصفی پریس لکھنو سے سے عمل میں آئی تھی اور دوسری اشاعت حکیم برہم گور کھپوری کے زیر اہتمام مطبع حکیم برہم گورکھپوری سے ہوئی ،زیر نظر نسخہ یہی دوسری اشاعت ہے۔اس کتاب کی اشاعت میں سن طباعت درج نہیں ہے تاہم اس کے تاریخی نام غمگسار سے اس کا سن اشاعت 1903 نکلتا ہے ۔اس دیوان میں ان کی غزلوں کے علاوہ قصائد ،رباعیات،مناجات،سلام، اور مسدس وغیرہ شامل ہیں۔

हफ़ीज़ जौनपुरी का वास्तविक नाम हफ़ीज़ मोहम्मद अली था। इन का जन्म जौनपुर में 1865 में हुआ। "ग़म गुसार" और "ख़ुम ख़ाना-ए-दिल" इन के काव्य संग्रह हैं। इन का निधन 1918 में हुआ।