مذاہب کی تاریخ کا مطالعہ کرنے سے پتا چلتا ہے، کہ کائنات کے وجود میں آنے کے بعد ہی سے انسان اور مذہب کا چولی دامن کا ساتھ رہا ہے۔ شروع میں سارے لوگوں کا ایک ہی مذہب تھا،تاہم جیسے جیسے انسانوں کی تعداد میں اضافہ ہوتا گیا لوگ مذہب سے دوری اختیار کرنے لگے، تو رب نے مختلف زمانوں میں انسانوں کی رہنمائی کے لیے پیغمبر بھیجے،لیکن پیغمبروں کےاس دنیاسےرخصت ہو جانےکےبعدان کےماننے والوں نےان کےپیغام پرعمل کرنے کےبجائےخودسےنئےدین اور مذاہب اختیارکرلیے،اس طرح مذاہب کی تعداد میں اضافہ ہوتا گیا۔اس وقت دنیا میں کئی مذاہب پیدا ہو چکے ہیں جن میں سے مشہور مذاہب، اسلام، عیسائیت، یہودیت، ہندو ازم، زرتشت، بدھ ازم اورسکھ ازم وغیرہ ہیں،اس کتاب میں مصنف نے اس بات کو واضح کیا ہے کہ اسلام انسان کے مذہبی ارتقاء کی فیصلہ کن منزل تھی۔ اس نے تمام مذاہب کے حقائق کو یکجا کر کے اپنی وحدت میں سمو لیا ہے۔ اس لیے ہر مذہب اور ہر مکتبِ خیال میں جتنی صداقت ہے وہ اسلام میں موجود ہے،بلکہ اسلام نے اس میں مزید اضافے کیے۔ اس لحاظ سے یہ انسان کا سب سے ترقی یافتہ مذہب ہے۔