लाल चन्द्रिका

पुस्तक: परिचय

زیر مطالعہ کتاب کا اصل متن سنسکرت زبان میں لکھا گیا ہے۔ پوری کتاب پند و نصائح پر مبنی ہے اور سنسکرت کی دو کتابوں کا ترجمہ اس میں شامل ہے۔ یعنی اس مجموعہ میں ایک "چانک نینی درپن" اور دوسری "بھرتری شتک" کا ترجمہ یکجا کرکے مجموعے کا نام "لال چندرکا" رکھ دیا گیا ۔ پہلی کتاب چانک نینی درپن سترہ فصول پر مشتمل ہے اور ہر فصل میں نایاب اقوال زریں ہیں جبکہ دوسری کتاب بھرتری شتک میں تین فصول ہیں اور ہر فصل کے ماتحت سو سے زیادہ ناصحانہ جملے لکھے گئے ہیں۔ ترجمہ میں قدیم اردو زبان کی خوشبو آتی ہے ۔ ظاہر ہے ۱۸۸۶میں یہ کتاب پہلی مرتبہ لکھنو سے چھپی تھی۔اس وقت اردو زبان کی جو چاشنی رہی ہوگی ،وہ چاشنی اس ترجمہ میں بخوبی محسوس ہوتی ہے۔ یہ کتاب طالب علم کو نہ صرف اردو کے پرانے طرز و بیان سے آشنا کراتی ہے۔ بلکہ زندگی کی دھوپ و چھاوں سے بھی واقف کراتی ہے۔

.....और पढ़िए