रिसाला नुक़ूश में ज़ख़ीरा-ए-ग़ालिबयात

पुस्तक: परिचय

زیر مطالعہ تصنیف نائیلہ انجم کے پی ایچ ڈی مقالے کی تلخیص ہے۔ جس میں انھوں نے رسالہ "نقوش" میں غالب پر موجود مضامین ،تبصرے اور دیگر تحریروں کا اشاریہ پیش کیا ہے۔ رسالہ "نقوش" کا پہلا شمارہ قیام پاکستان کے کچھ ماہ بعد مارچ 1948ء میں ہاجرہ مسرور اور احمد ندیم قاسمی کی ادارت میں شائع ہواتھا۔ بعد میں ادارت میں تبدیلی بھی ہوئی، اس رسالے نے مختلف ادوار میں غالب نمبر نکالے۔ نقوش کا پہلا "غالب نمبر" 820 صفحات پر مشتمل تھا ،جو فروری 1965ء میں منظر عام پر آیا ، اس کے بعد دوسرا خاص نمبر "بیاض غالب " کے نام سے 1969ء میں اور تیسرا غالب نمبر 1971 ء میں شائع ہوا۔ اس طرح نقوش نے اپنے خاص نمبر کی اشاعت کے ساتھ ذخیرہء غالیبات میں اضافہ کیا ہے۔ مذکورہ تصنیف میں مصنفہ نے "رسالہ نقوش" کے خصوصی غالب نمبر کا تحقیقی و تنقیدی تجزیہ بھی پیش کیا ہے۔

.....और पढ़िए