کلیم الدین احمد سے قبل ار دو میں کئی ناقد تھے اور تنقید پر بہت کچھ لکھا بھی جا چکا تھا۔مگر کلیم الدین احمد اردو تنقید کی دنیا میں جیسے ہی داخل ہوئے تو ایک زلزلہ ساآگیا ہے ۔گویا وہ اس طریقے سے داخل ہوئے جیسے کوئی مست ہاتھی شیشہ کی دکان میں داخل ہوجائے ۔ ان کی تنقید دراصل انگر یزی ادب سے مرعوبیت کے نتیجہ میں وجود میں آئی تھی جس کی وجہ سے انہیں اردو کا سارا سرمایہ حقیر اور بے وقعت سا لگا ۔ انہوں نے اردو تنقید پر بہت ہی زیادہ سخت گیری کی پھر بھی ان کی تنقید سے اردو ادب کو بہت زیادہ فائدہ پہنچا ۔ انہوں نے جس طرح سے تنقید کی رہنمائی کی اور اپنی اس کتاب سے جو بیش قیمت اضافہ کیا وہ قدر و منزلت کی نگاہ سے دیکھا گیا ۔ یہ کتاب دو حصوں پر مشتمل ہے پہلے حصہ میں کلاسیکل شعرا کی شاعر ی پر بحث ہے جس میں غزل ، قطعہ ، قصیدہ ، ہجو، مثنوی ، مرثیہ کا خصوصی ذکر ہے ۔ نظیر اکبرآبادی کو بھی خصو صی درجہ دیا ہے ۔ کتاب کے دوسرے حصے میں انجمن پنجاب کے شعرا سے فراق تک کا ذکر ہے ۔ انہوں نے اردو شاعری کی خوب تنقید کی اسی ضمن میں غزل کو ’’ نیم وحشی صنف سخن ‘‘ تک کہا اور اردو تنقید کا وجود انہیں فرضی اقلیدس کے خیالی نقطہ اور معشوق کی کمر کی طرح موہوم نظر آیا ۔ الغر ض وہ اردو کے اہم ناقد تھے او ر ان کی یہ کتاب اردو شاعری کی تنقید پر اولیت کا درجہ رکھتی ہے۔ زیر نظر کتاب حصہ اول ہے۔