زیر نظر کتاب "اردو شعریات" آل احمد سرور کی ترتیب کردہ کتاب ہے۔ اس کتاب میں وہ مقالے شامل ہیں جو اقبال انسٹی ٹیوٹ کے زیر اہتمام "اردو شعریات" کے عنوان سے منعقدہ سیمنار میں پڑھے گئے تھے۔ کتاب میں گیارہ بیش قیمت مقالے شامل ہیں۔ جن کی تفصیل کچھ اس طرح ہے۔ ڈاکٹر گیان چند جین کا لکھا ہوا مضمون "اردو نظم اور اس کی اصناف" گوپی چند نارنگ کا "نثری نظم کی شناخت" پروفیسر شکیل الرحمن کا "قدیم ہندوستانی جمالیات میں شعریات کا ایک بنیادی موضوع ۔اظہار کا حسن" ظ انصاری کا "صنف مثنوی کا ارتقاء" حامد کاشمیری کا "شاعری میں علامت کا عمل" نیر مسعود کا "اردو شعریات کی چند اصطلاحیں" ڈاکٹر مرغوب بانہانی کا "غزل صنفی اور ہئیتی خصوصیات" غلام رسول ملک کا " اقبال کے پسندیدہ اصناف شعر" اور شوریدہ کاشمیری کا لکھا ہوا "ہمارا عروضی نظام" جیسے مضامین شامل ہیں۔ یہ تفہیم شعر میں حد درجہ معاون کتاب ہے۔