yusuf zulekha

पुस्तक: परिचय

حیدرآباد دکن کی معتبر محقق و ناقدڈاکٹر سیدہ جعفر کا نام دکنی ادب کی تاریخ میں نمایاں ہے۔ انھوں نے دکنی ادب میں کئی اہم تخلیقات کو تحقیقی و تنقیدی جائزہ لیتے ہوئے مدون کیا ہے۔بالخصوص دکنی مثنویوں کو ادب میں متعارف کروانے میں سیدہ جعفر کی خدمات ناقابل فراموش ہیں۔ زیر نظر دکن کے مایہ ناز شاعر اور استاد سخن احمد گجراتی کی معروف مثنوی " یوسف زلیخا" کا مدون کردہ نسخہ ہے۔جس کو ڈاکٹر سیدہ جعفر نے اپنے پیش لفظ کے ساتھ شائع کیا ہے۔ پیش لفظ میں ڈاکٹر صاحبہ نے شاعر احمد گجراتی اور مثنوی "یوسف زلیخا" سے متعلق تاریخی اور ادبی معلومات فراہم کی ہیں۔ اس کے علاوہ مثنوی کے اسلوب ، موضوع،زبان و بیان اور مآخذ سے متعلق بھی اہم باتوں کی نشاندہی کی ہے۔احمد گجراتی کے حالات زندگی او رکلام پر بھی سیر حاصل گفتگو کی گئی ہے۔دکنی ادب میں زیر تبصرہ مثنوی "یوسف زلیخا " کا لسانی اور ادبی مطالعہ اہمیت کا حامل ہے۔

.....और पढ़िए