aaj kis ka jalwa-e-rangin numayan ho gaya

aaj kis kā jalva-e-rangīñ numāyāñ ho gayā

jalva jalva rashk se sar-dar-garebāñ ho gayā

kaun ye jalva-tarāz-e-bazm-e-imkāñ ho gayā

kis ke nūr-e-husn se aalam charāġhāñ ho gayā

sehn-e-gulshan meñ ye kis ne naaz se añgḌā.ī lī

chāk-e-dil har phuul kā chāk-e-garebāñ ho gayā

hasrat-o-armān kī mayyat hai ek ek ashk-e-tar

merā dāman bastī-e-gor-e-ġharībāñ ho gayā

phir bahār aa.ī huā phir muztarib dast-e-junūñ

ḳhair se phir ārzū-e-dil kā sāmāñ ho gayā

har gul-e-tar ho gayā jām-e-sharāb-e-arġhavāñ

mai-kada-bar-dosh ab saarā gulistāñ ho gayā

apne qaid-o-band kā 'jauhar' nahīñ mutlaq alam

ye ḳhushī hai ham se ābād un kā zindāñ ho gayā

aaj kis ka jalwa-e-rangin numayan ho gaya

jalwa jalwa rashk se sar-dar-gareban ho gaya

kaun ye jalwa-taraaz-e-bazm-e-imkan ho gaya

kis ke nur-e-husn se aalam charaghan ho gaya

sehn-e-gulshan mein ye kis ne naz se angDai li

chaak-e-dil har phul ka chaak-e-gareban ho gaya

hasrat-o-arman ki mayyat hai ek ek ashk-e-tar

mera daman basti-e-gor-e-ghariban ho gaya

phir bahaar aai hua phir muztarib dast-e-junun

KHair se phir aarzu-e-dil ka saman ho gaya

har gul-e-tar ho gaya jam-e-sharab-e-arghawan

mai-kada-bar-dosh ab sara gulistan ho gaya

apne qaid-o-band ka 'jauhar' nahin mutlaq alam

ye KHushi hai hum se aabaad un ka zindan ho gaya