aankhon ka KHuda hi hai ye aansu ki hai gar mauj
aankhon ka KHuda hi hai ye aansu ki hai gar mauj
Gulam Yahya Huzur Azimabadi
MORE BYGulam Yahya Huzur Azimabadi
āñkhoñ kā ḳhudā hī hai ye aañsū kī hai gar mauj
kashtī bache kyūñkar jo rahe aaTh pahar mauj
ai bahr na tū itnā umañD chal mire aage
ro ro ke Dubā dūñgā kabhī aa ga.ī gar mauj
pahuñchā nahīñ gar terā qadam tā-lab-e-dariyā
sāhil se paTak sar ko hai kyuuñ ḳhāk-ba-sar mauj
gar ālam-e-āb is kā kamīñ-gāh nahīñ hai
kyuuñ tā.ir-e-bismil kī tarah maare hai par mauj
uThte nahīñ sāhil kī misāl apne makāñ se
dariyā kī tarah mārte haiñ apne hī ghar mauj
kyā pūchhte ho ashk ke dariyā kā talātum
jaatī hai nazar jis taraf aatī hai nazar mauj
gar nahiñ hai 'huzūr' us ko havas diid kī us ke
kyuuñ khole habāboñ se hai yuuñ dīda-e-tar mauj
aankhon ka KHuda hi hai ye aansu ki hai gar mauj
kashti bache kyunkar jo rahe aaTh pahar mauj
ai bahr na tu itna umanD chal mere aage
ro ro ke Duba dunga kabhi aa gai gar mauj
pahuncha nahin gar tera qadam ta-lab-e-dariya
sahil se paTak sar ko hai kyun KHak-ba-sar mauj
gar aalam-e-ab is ka kamin-gah nahin hai
kyun tair-e-bismil ki tarah mare hai par mauj
uThte nahin sahil ki misal apne makan se
dariya ki tarah marte hain apne hi ghar mauj
kya puchhte ho ashk ke dariya ka talatum
jati hai nazar jis taraf aati hai nazar mauj
gar nahin hai 'huzur' us ko hawas did ki us ke
kyun khole hababon se hai yun dida-e-tar mauj
- Dewan-e-Huzoor (E-Book)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
