aapne aaj ye mahfil jo sajai hui hai

aap ne aaj ye mahfil jo sajā.ī huī hai

baat us kī hī faqat bazm meñ chhā.ī huī hai

is qadar naaz na kiije ki buzurgoñ ne bahut

bārhā bazm-e-ḳhud-ārā.ī sajā.ī huī hai

is qadar shor hai kyuuñ surḳhi-e-aḳhbār pe aaj

jabki mālūm hai har baat banā.ī huī hai

aaj to chain se rone do mujhe goshe meñ

ek muddat pe ġham-e-dil se judā.ī huī hai

sharm mat kījiye le liije sahārā merā

maat ham ne bhī bahut aap se khaa.ī huī hai

aaj ham kyuuñ na kaheñ mohr-ba-lab kyuuñ rah jaa.eñ

mai-kade meñ baḌī mushkil se rasā.ī huī hai

aaj be-fikr bahut haiñ ki koī baar nahīñ

sarf arbāb pe sab din kī kamā.ī huī hai

faḳhr zebā hai ki muddat pe kahīñ jā ke mirī

ab talabgār ḳhudā kī ye ḳhudā.ī huī hai

aap ne aaj ye mahfil jo sajai hui hai

baat us ki hi faqat bazm mein chhai hui hai

is qadar naz na kije ki buzurgon ne bahut

barha bazm-e-KHud-arai sajai hui hai

is qadar shor hai kyun surKHi-e-aKHbar pe aaj

jabki malum hai har baat banai hui hai

aaj to chain se rone do mujhe goshe mein

ek muddat pe gham-e-dil se judai hui hai

sharm mat kijiye le lije sahaara mera

mat hum ne bhi bahut aap se khai hui hai

aaj hum kyun na kahen mohr-ba-lab kyun rah jaen

mai-kade mein baDi mushkil se rasai hui hai

aaj be-fikr bahut hain ki koi bar nahin

sarf arbab pe sab din ki kamai hui hai

faKHr zeba hai ki muddat pe kahin ja ke meri

ab talabgar KHuda ki ye KHudai hui hai