aashiq hai jo tumhaare ruKH-e-surKH-rang ka

āshiq hai jo tumhāre ruḳh-e-surḳh-rañg kā

rahtā hai us ko nashsha sharāb-e-farañg kā

kahte haiñ log dekh tere ruḳh pe ḳhaal ko

kyā hukm rome meñ hai sipahdār zañg kā

ai rashk-e-hūr vus.at-e-jannat meñ bhī mujhe

tujh bin hai be-gumān yaqīñ gor-e-tañg kā

jab se patañg huuñ maiñ tire sham.a-rū kā yaar

ma.alūm thā na tujh ko uḌānā patañg kā

ḳhauf-e-ḳhudā na hotā to rakhtā maiñ ai sanam

arsh-e-azīm naam tumhāre palañg kā

ai sabz-rañg mast-e-mai-e-ishq-o-husn to

afyūñ ko pūchhte nahīñ kyā zikr bhañg kā

ḳhāl-e-ruḳh-e-nigār haiñ chehre ḳhayāl meñ

biinī dikhā.ī de hai donālī tufañg kā

mātam mirā hai yaar sivā ham ko bazm-e-nūr

saut-e-bukā se kam nahīñ āvāz chañg kā

ātish kā sher paḌhtā huuñ aksar ba-hasb-e-hāl

dil said hai vo bahr-e-suḳhan ke nahañg kā

vo chashm ghaat meñ dil-e-pur-dāġh ke nahīñ

aahū ko hai irāda shikār-e-palañg kā

nāmūs kā to fikr hai 'mātam' abas yahāñ

ye ishq ḳhasm naam kā dushman hai nañg kā

aashiq hai jo tumhaare ruKH-e-surKH-rang ka

rahta hai us ko nashsha sharab-e-farang ka

kahte hain log dekh tere ruKH pe KHal ko

kya hukm rome mein hai sipahdar zang ka

ai rashk-e-hur wusat-e-jannat mein bhi mujhe

tujh bin hai be-guman yaqin gor-e-tang ka

jab se patang hun main tere shama-ru ka yar

malum tha na tujh ko uDana patang ka

KHauf-e-KHuda na hota to rakhta main ai sanam

arsh-e-azim nam tumhaare palang ka

ai sabz-rang mast-e-mai-e-ishq-o-husn to

afyun ko puchhte nahin kya zikr bhang ka

KHal-e-ruKH-e-nigar hain chehre KHayal mein

bini dikhai de hai donali tufang ka

matam mera hai yar siwa hum ko bazm-e-nur

saut-e-buka se kam nahin aawaz chang ka

aatish ka sher paDhta hun aksar ba-hasb-e-haal

dil said hai wo bahr-e-suKHan ke nahang ka

wo chashm ghat mein dil-e-pur-dagh ke nahin

aahu ko hai irada shikar-e-palang ka

namus ka to fikr hai 'matam' abas yahan

ye ishq KHasm nam ka dushman hai nang ka