ab ayaadat ko meri koi nahin aaega

Salam Machhli shahri

ab ayaadat ko meri koi nahin aaega

Salam Machhli shahri

MORE BYSalam Machhli shahri

    ab ayādat ko mirī koī nahīñ aa.egā

    phir huuñ bīmār kisī ko na yaqīñ aa.egā

    ġham musalsal ho to ahbāb bichhaḌ jaate haiñ

    ab na koī dil-e-tanhā ke qarīñ aa.egā

    apne ḳhvāboñ ke darīchoñ meñ jalā lo sham.eñ

    aur ye soch lo ik māh-jabīñ aa.egā

    phir nigār-e-chaman-e-vādī-e-fardā-e-bahār

    gul-ba-dast-e-mah-o-anjum ba-jabīñ aa.egā

    zehn-e-tāza ke liye sāz-e-haqīqat chheḌo

    chain ise sirf taḳhayyul se kahīñ aa.egā

    sirf apne azā.em pe bharosa kar le

    kaam koī bhī na ai qalb-e-hazīñ aa.egā

    roz puujā ke liye phuul sajātā hai 'salām'

    jaane kab us ḳhudā sū-e-zamīñ aa.egā

    ab ayaadat ko meri koi nahin aaega

    phir hun bimar kisi ko na yaqin aaega

    gham musalsal ho to ahbab bichhaD jate hain

    ab na koi dil-e-tanha ke qarin aaega

    apne KHwabon ke darichon mein jala lo shamen

    aur ye soch lo ek mah-jabin aaega

    phir nigar-e-chaman-e-wadi-e-farda-e-bahaar

    gul-ba-dast-e-mah-o-anjum ba-jabin aaega

    zehn-e-taza ke liye saz-e-haqiqat chheDo

    chain ise sirf taKHayyul se kahin aaega

    sirf apne hi azaem pe bharosa kar le

    kaam koi bhi na ai qalb-e-hazin aaega

    roz puja ke liye phul sajata hai 'salam'

    jaane kab us ka KHuda su-e-zamin aaega

    Source
    • Book : Intekhab-e-Kalam Salam Machhli Shahri (Pg. 101)
    • Author : Irfaan Abbasii
    • Publication : 1991 (Uttarpradesh, Urdu academy, Lucknow )
    • Edition : Uttarpradesh, Urdu academy, Lucknow
    • Book : Intekhab-e-Kalam Salam Machhli Shahri (Pg. 101)
    • Author : Irfaan Abbasii
    • Publication : 1991 (Uttarpradesh, Urdu academy, Lucknow )
    • Edition : Uttarpradesh, Urdu academy, Lucknow
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY