ai jaan-e-jaan tere mizaj ka falak bhi KHub hai

ai jān-e-jāñ tire mizāj kā falak bhī ḳhuub hai

thake thake se baam par hasīñ dhanak bhī ḳhuub hai

ajiib sehr hai tire hurūf-e-pāk-bāz meñ

tire mizāj-e-sho.ala baar kī lapak bhī ḳhuub hai

tire libās meñ basī haiñ jāñ-navāz ḳhushbueñ

mashām-e-jāñ hai itr-bez ye mahak bhī ḳhuub hai

nahīñ hai mo'atabar jo apnā vasf ḳhud bayāñ kare

ai jān-e-e'tibār us pe terā shak bhī ḳhuub hai

tujhe maiñ māntī huuñ hai tirā shu.ūr mo'atabar

tirī hasīn fikr kī chamak damak bhī ḳhuub hai

pasand haiñ nazar nazar ko jaañ tirī vajāhateñ

malīh ruḳh kī ye chamak namak damak bhī ḳhuub hai

samā.atoñ meñ hone lagtī hai ajiib raushnī

tirī sadā-e-nūr kī lapak jhapak bhī ḳhuub hai

ai jaan-e-jaan tere mizaj ka falak bhi KHub hai

thake thake se baam par hasin dhanak bhi KHub hai

ajib sehr hai tere huruf-e-pak-baz mein

tere mizaj-e-shoala bar ki lapak bhi KHub hai

tere libas mein basi hain jaan-nawaz KHushbuen

masham-e-jaan hai itr-bez ye mahak bhi KHub hai

nahin hai mo'atabar jo apna wasf KHud bayan kare

ai jaan-e-e'tibar us pe tera shak bhi KHub hai

tujhe main manti hun hai tera shuur mo'atabar

teri hasin fikr ki chamak damak bhi KHub hai

pasand hain nazar nazar ko jaan teri wajahaten

malih ruKH ki ye chamak namak damak bhi KHub hai

samaaton mein hone lagti hai ajib raushni

teri sada-e-nur ki lapak jhapak bhi KHub hai