ai salik intizar-e-haj mein kya tu hakka-bakka hai

ai sālik intizār-e-haj meñ kyā tū hakkā-bakkā hai

baghole sā tū kar le tauf-e-dil pahlū meñ makka hai

charāġh-e-gul ko raushan kar diyā aahoñ ke sho.ale se

hazāroñ darje bulbul ḳhām-parvānoñ se pakkā hai

jo hai har sañg meñ pinhāñ so ātish laal se chamkī

sabhī meñ haq hai har aarif meñ kyā sevā jhamakkā hai

ga.ī niiñ bū-e-shīr us lab se lekin dekh vo tal.at

vahī mahtāb kā hai āb-o-afsurda ho chakkā hai

ai rab irfāñ ke darpan ko na rove jauhar-e-ḳhvāhish

havas kī mauj almās-e-safā-e-dil ko lakkā hai

vo zulf-o-rū se jag hai kufr-o-īmāñ ke taraddud meñ

do dil karne kuuñ ik aalam ke merā shoḳh pakkā hai

dil-e-bairāgī-e-'uzlat' meñ rakhtā hai dam-e-hastī

kamar meñ uus miyāñ ke jaise sailī kā mutakkā hai

ai salik intizar-e-haj mein kya tu hakka-bakka hai

baghole sa tu kar le tauf-e-dil pahlu mein makka hai

charagh-e-gul ko raushan kar diya aahon ke shoale se

hazaron darje bulbul KHam-parwanon se pakka hai

jo hai har sang mein pinhan so aatish lal se chamki

sabhi mein haq hai har aarif mein kya sewa jhamakka hai

gai nin bu-e-shir us lab se lekin dekh wo talat

wahi mahtab ka hai aab-o-afsurda ho chakka hai

ai rab irfan ke darpan ko na rowe jauhar-e-KHwahish

hawas ki mauj almas-e-safa-e-dil ko lakka hai

wo zulf-o-ru se jag hai kufr-o-iman ke taraddud mein

do dil karne kun ek aalam ke mera shoKH pakka hai

dil-e-bairagi-e-'uzlat' mein rakhta hai dam-e-hasti

kamar mein us miyan ke jaise saili ka mutakka hai