apna KHaka lagta hun

Jaun Eliya

apna KHaka lagta hun

Jaun Eliya

MORE BY Jaun Eliya

    apnā ḳhāka lagtā huuñ

    ek tamāshā lagtā huuñ

    ā.īnoñ ko zañg lagā

    ab maiñ kaisā lagtā huuñ

    ab maiñ koī shaḳhs nahīñ

    us saayā lagtā huuñ

    saare rishte tishna haiñ

    kyā maiñ dariyā lagtā huuñ

    us se gale mil kar ḳhud ko

    tanhā tanhā lagtā huuñ

    ḳhud ko maiñ sab āñkhoñ meñ

    dhundlā dhundlā lagtā huuñ

    maiñ har lamha is ghar se

    jaane vaalā lagtā huuñ

    kyā hue vo sab log ki maiñ

    suunā suunā lagtā huuñ

    maslahat is meñ kyā hai merī

    TuuTā phūTā lagtā huuñ

    kyā tum ko is haal meñ bhī

    maiñ duniyā lagtā huuñ

    kab rogī huuñ vaise

    shahr-e-masīhā lagtā huuñ

    merā taalū tar kar do

    sach-much pyāsā lagtā huuñ

    mujh se kamā lo kuchh paise

    zinda murda lagtā huuñ

    maiñ ne sahe haiñ makr apne

    ab bechāra lagtā huuñ

    apna KHaka lagta hun

    ek tamasha lagta hun

    aainon ko zang laga

    ab main kaisa lagta hun

    ab main koi shaKHs nahin

    us ka saya lagta hun

    sare rishte tishna hain

    kya main dariya lagta hun

    us se gale mil kar KHud ko

    tanha tanha lagta hun

    KHud ko main sab aankhon mein

    dhundla dhundla lagta hun

    main har lamha is ghar se

    jaane wala lagta hun

    kya hue wo sab log ki main

    suna suna lagta hun

    maslahat is mein kya hai meri

    TuTa phuTa lagta hun

    kya tum ko is haal mein bhi

    main duniya ka lagta hun

    kab ka rogi hun waise

    shahr-e-masiha lagta hun

    mera talu tar kar do

    sach-much pyasa lagta hun

    mujh se kama lo kuchh paise

    zinda murda lagta hun

    main ne sahe hain makr apne

    ab bechaara lagta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites