dast-bardar agar aap ghazab se ho jaen
dast-bardār agar aap ġhazab se ho jaa.eñ
har sitam bhuul ke ham aap ke ab se ho jaa.eñ
chaudhvīñ shab hai to khiḌkī ke girā do parde
kaun jaane ki vo nārāz hī shab se ho jaa.eñ
ek ḳhushbū kī tarah phailte haiñ mahfil meñ
aise alfāz adā jo tire lab se ho jaa.eñ
na koī ishq hai baaqī na koī parcham hai
log dīvāne bhalā kis ke sabab se ho jaa.eñ
bāñdh lo haath ki phaileñ na kisī ke aage
sī lo ye lab ki kahīñ vo na talab se ho jaa.eñ
baat to chheḌ mire dil koī qissa to sunā
kyā ajab un ke bhī jazbāt ajab se ho jaa.eñ
dast-bardar agar aap ghazab se ho jaen
har sitam bhul ke hum aap ke ab se ho jaen
chaudhwin shab hai to khiDki ke gira do parde
kaun jaane ki wo naraaz hi shab se ho jaen
ek KHushbu ki tarah phailte hain mahfil mein
aise alfaz ada jo tere lab se ho jaen
na koi ishq hai baqi na koi parcham hai
log diwane bhala kis ke sabab se ho jaen
bandh lo hath ki phailen na kisi ke aage
si lo ye lab ki kahin wo na talab se ho jaen
baat to chheD mere dil koi qissa to suna
kya ajab un ke bhi jazbaat ajab se ho jaen
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
