dil ko chashm-e-yar ne jab jam-e-mai apna diya

dil ko chashm-e-yār ne jab jām-e-mai apnā diyā

un se ḳhush ho kar liyā aur kah ke bismillāh piyā

dekh us kī jāma-zebī gul ne apnā pairahan

is qadar phāḌā ki bulbul se nahīñ jaatā piyā

be-qarārī ne nigāh-e-sīmbar pherī idhar

kī ināyat ham ko us sīmāb ne ye kīmiyā

us ke kūche meñ jise jā baiThne ko mil ga.ī

masnad-e-zarbāf par ġhālib hai us kā boriyā

dil chhupā baiThā to us zulf-e-musalsal se 'nazīr'

ai asīr-e-dām-e-nā-fahmī ye tū ne kyā kiyā

dil ko chashm-e-yar ne jab jam-e-mai apna diya

un se KHush ho kar liya aur kah ke bismillah piya

dekh us ki jama-zebi gul ne apna pairahan

is qadar phaDa ki bulbul se nahin jata piya

be-qarari ne nigah-e-simbar pheri idhar

ki inayat hum ko us simab ne ye kimiya

us ke kuche mein jise ja baiThne ko mil gai

masnad-e-zarbaf par ghaalib hai us ka boriya

dil chhupa baiTha to us zulf-e-musalsal se 'nazir'

ai asir-e-dam-e-na-fahmi ye tu ne kya kiya