dil ko hum dariya kahen manzar-nigari aur kya
dil ko ham dariyā kaheñ manzar-nigārī aur kyā
pursish-e-ahvāl-e-āqā kam-ayārī aur kyā
apne manzar se alag hotā nahīñ hai koī rañg
apnī āñkhoñ ke sivā bād-e-bahārī aur kyā
ham bhī kuchh kahte pa us kī guftugū kā silsila
ḳhatm hotā hī nahīñ hai hoshiyārī aur kyā
sab uThā kar le ga.iiñ merī junūñ-sāmāniyāñ
ab satā.egī hameñ be-aḳhtyārī aur kyā
merī vahshat bhī sukūñ nā-āshnā merī tarah
mere qadmoñ se bañdhī se zimmedārī aur kyā
us ziyāñ-ḳhāne meñ miltī hī nahīñ dād-e-firāq
zabt kā paiġhām degī sogvārī aur kyā
jī meñ aa jaa.e to ham bhī muskurā kar dekh leñ
aañkh phir pahroñ na kholeñ shahryārī aur kyā
'haqqī' bechāra āḳhir thak-thakā kar so gayā
apne zaḳhmoñ kī vo kartā parda-dārī aur kyā
dil ko hum dariya kahen manzar-nigari aur kya
pursish-e-ahwal-e-aqa kam-ayari aur kya
apne manzar se alag hota nahin hai koi rang
apni aankhon ke siwa baad-e-bahaari aur kya
hum bhi kuchh kahte pa us ki guftugu ka silsila
KHatm hota hi nahin hai hoshiyari aur kya
sab uTha kar le gain meri junun-samaniyan
ab sataegi hamein be-aKHtyari aur kya
meri wahshat bhi sukun na-ashna meri tarah
mere qadmon se bandhi se zimmedari aur kya
us ziyan-KHane mein milti hi nahin dad-e-firaq
zabt ka paigham degi sogwari aur kya
ji mein aa jae to hum bhi muskura kar dekh len
aankh phir pahron na kholen shahryari aur kya
'haqqi' bechaara aaKHir thak-thaka kar so gaya
apne zaKHmon ki wo karta parda-dari aur kya
- Book : imkaan-e-roz-o-shab (Pg. 37)
- Author : sayed abul hasnat haqqi
- Publication : Educational publishing house (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
