ek malbus-e-darida hai meri wahshat-e-hijr

ek malbūs-e-darīda hai mirī vahshat-e-hijr

huī jaatī hai hijāboñ meñ ayaañ qāmat-e-hijr

ik tahayyur sā tahayyur hai tilism-gāh-e-talab

hai fusūñ-ḳhez kahīñ us se sivā ishrat-e-hijr

dāman-e-dard meñ simTā jo sukūt-e-girya

chashm-e-be-āb meñ poshīda rahī ismat-e-hijr

tañg-dāmānī-e-ālam meñ samā hī na sakī

hai sarīr-ārā karāñ-tā-ba-karāñ vus.at-e-hijr

ā.īna-ḳhāna-e-dil meñ hai vahī partav-e-huzn

naqsh-dar-naqsh vahī ḳhāl-o-ḳhad-e-shaukat-e-hijr

parda-e-chashm pe raqsāñ hai tirā aks hunūz

so bas ik vahm hai ye kār-gah-e-sā.at-e-hijr

ishq-e-shorīda to uryāñ huā jaatā thā magar

parda-dār-e-nigah-e-shauq rahī kisvat-e-hijr

zaḳhm-e-dil dīda-e-ḳhūnāba-fashāñ jazb-o-junūñ

saath laa.ī hai ḳhazīne ḳhabar-e-tohmat-e-hijr

ik talātum meñ hai ye ālam-e-āb-o-ḳhākī

haa.e mat pūchhiye 'anjum' zabar-e-hurmat-e-hijr

ek malbus-e-darida hai meri wahshat-e-hijr

hui jati hai hijabon mein ayan qamat-e-hijr

ek tahayyur sa tahayyur hai tilism-gah-e-talab

hai fusun-KHez kahin us se siwa ishrat-e-hijr

daman-e-dard mein simTa jo sukut-e-girya

chashm-e-be-ab mein poshida rahi ismat-e-hijr

tang-damani-e-alam mein sama hi na saki

hai sarir-ara karan-ta-ba-karan wusat-e-hijr

aaina-KHana-e-dil mein hai wahi partaw-e-huzn

naqsh-dar-naqsh wahi KHal-o-KHad-e-shaukat-e-hijr

parda-e-chashm pe raqsan hai tera aks hunuz

so bas ek wahm hai ye kar-gah-e-saat-e-hijr

ishq-e-shorida to uryan hua jata tha magar

parda-dar-e-nigah-e-shauq rahi kiswat-e-hijr

zaKHm-e-dil dida-e-KHunaba-fashan jazb-o-junun

sath lai hai KHazine KHabar-e-tohmat-e-hijr

ek talatum mein hai ye aalam-e-ab-o-KHaki

hae mat puchhiye 'anjum' zabar-e-hurmat-e-hijr