ghazlen to kahi hain kuchh humne un se na kaha ahwal to kya

ġhazleñ to kahī haiñ kuchh ham ne un se na kahā ahvāl to kyā

kal misl-e-sitāra ubhreñge haiñ aaj agar pāmāl to kyā

jiine kī duā dene vaale ye raaz tujhe ma.alūm nahīñ

taḳhlīq kā ik lamha hai bahut be-kār jiye sau saal to kyā

sikkoñ ke evaz jo bik jaa.e vo merī nazar meñ husn nahīñ

ai sham-e-shabistān-e-daulat tū hai jo parī-timsāl to kyā

har phuul ke lab par naam mirā charchā hai chaman meñ aam mirā

shohrat kī ye daulat kyā kam hai gar paas nahīñ hai maal to kyā

ham ne jo kiyā mahsūs kahā jo dard milā hañs hañs ke sahā

bhūlegā na mustaqbil ham ko nālāñ hai jo ham se haal to kyā

ham ahl-e-mohabbat pā leñge apne hī sahāre manzil ko

yārān-e-siyāsat ne har-sū phailā.e haiñ rañgīñ jaal to kyā

duniyā-e-adab meñ ai 'jālib' apnī bhī koī pahchān to ho

'iqbāl' kā rañg uḌāne se tū ban bhī gayā 'iqbāl' to kyā

ghazlen to kahi hain kuchh hum ne un se na kaha ahwal to kya

kal misl-e-sitara ubhrenge hain aaj agar pamal to kya

jine ki dua dene wale ye raaz tujhe malum nahin

taKHliq ka ek lamha hai bahut be-kar jiye sau sal to kya

sikkon ke ewaz jo bik jae wo meri nazar mein husn nahin

ai sham-e-shabistan-e-daulat tu hai jo pari-timsal to kya

har phul ke lab par nam mera charcha hai chaman mein aam mera

shohrat ki ye daulat kya kam hai gar pas nahin hai mal to kya

hum ne jo kiya mahsus kaha jo dard mila hans hans ke saha

bhulega na mustaqbil hum ko nalan hai jo hum se haal to kya

hum ahl-e-mohabbat pa lenge apne hi sahaare manzil ko

yaran-e-siyasat ne har-su phailae hain rangin jal to kya

duniya-e-adab mein ai 'jalib' apni bhi koi pahchan to ho

'iqbaal' ka rang uDane se tu ban bhi gaya 'iqbaal' to kya