gurez-pa hai naya rasta kidhar jaen

Jamal Owaisi

gurez-pa hai naya rasta kidhar jaen

Jamal Owaisi

MORE BY Jamal Owaisi

    gurez-pā hai nayā rāsta kidhar jaa.eñ

    chalo ki lauT ke ham apne apne ghar jaa.eñ

    na mauj-e-tund hai kuchh aisī jis se kheleñ ham

    chaḌhe hue haiñ jo dariyā kaho utar jaa.eñ

    ajab qarīne ke majnūñ haiñ ham ki rahte haiñ chup

    na ḳhāk-e-dasht uḌā.eñ na apne ghar jaa.eñ

    jabīñ hai ḳhaak se aisī lagī ki uThtī nahīñ

    junūn-e-sajda agar ho chukā to mar jaa.eñ

    zamāna tujh se ye kahnā hai mar chuke ham log

    ab apnī laash tire bāzuoñ meñ dhar jaa.eñ

    hamīñ bache haiñ yahāñ āḳhiruz-zamāñ lekin

    sabhoñ ko apnā ta.āruf deñ dar-ba-dar jaa.eñ

    gurez-pa hai naya rasta kidhar jaen

    chalo ki lauT ke hum apne apne ghar jaen

    na mauj-e-tund hai kuchh aisi jis se khelen hum

    chaDhe hue hain jo dariya kaho utar jaen

    ajab qarine ke majnun hain hum ki rahte hain chup

    na KHak-e-dasht uDaen na apne ghar jaen

    jabin hai KHak se aisi lagi ki uThti nahin

    junun-e-sajda agar ho chuka to mar jaen

    zamana tujh se ye kahna hai mar chuke hum log

    ab apni lash tere bazuon mein dhar jaen

    hamin bache hain yahan aaKHiruz-zaman lekin

    sabhon ko apna taaruf den dar-ba-dar jaen

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites