haal mein apne magan ho fikr-e-ainda na ho
haal meñ apne magan ho fikr-e-ā.inda na ho
ye usī insān se mumkin hai jo zinda na ho
kam se kam harf-e-tamannā kī sazā itnī to de
jur.at-e-jurm-e-suḳhan bhī mujh ko ā.inda na ho
be-gunāhī jurm thā apnā so is koshish meñ huuñ
sruḳh-rū maiñ bhī rahūñ qātil bhī sharminda na ho
zulmatoñ kī mad.h-ḳhvānī aur is andāz se
ye kisī parvarda-e-shab kā numā.inda na ho
maiñ bahar-sūrat tirā karb-e-taġhāful sah gayā
ab mujhe is kā sila de sirf sharminda na ho
zindagī tishna bhī hai be-rañg bhī lekin 'surūr'
jab talak chehra faroġh-e-mai se tābinda na ho
haal mein apne magan ho fikr-e-ainda na ho
ye usi insan se mumkin hai jo zinda na ho
kam se kam harf-e-tamanna ki saza itni to de
jurat-e-jurm-e-suKHan bhi mujh ko aainda na ho
be-gunahi jurm tha apna so is koshish mein hun
sruKH-ru main bhi rahun qatil bhi sharminda na ho
zulmaton ki madh-KHwani aur is andaz se
ye kisi parwarda-e-shab ka numainda na ho
main bahar-surat tera karb-e-taghaful sah gaya
ab mujhe is ka sila de sirf sharminda na ho
zindagi tishna bhi hai be-rang bhi lekin 'surur'
jab talak chehra farogh-e-mai se tabinda na ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
