haal ye hai ki KHwahish-e-pursish-e-haal bhi nahin

haal ye hai ki ḳhvāhish-e-pursish-e-hāl bhī nahīñ

us kā ḳhayāl bhī nahīñ apnā ḳhayāl bhī nahīñ

ai shajar-e-hayāt-e-shauq aisī ḳhizāñ-rasīdagī

poshish-e-barg-o-gul to kyā jism pe chhāl bhī nahīñ

mujh meñ vo shaḳhs ho chukā jis kā koī hisāb thā

suud hai kyā ziyāñ hai kyā is kā savāl bhī nahīñ

mast haiñ apne haal meñ dil-zadagān-o-dil-barāñ

sulh-o-salām to kujā bahs-o-jidāl bhī nahīñ

tū mirā hausla to dekh daad to de ki ab mujhe

shauq-e-kamāl bhī nahīñ ḳhauf-e-zavāl bhī nahīñ

ḳhema-gāh-e-nigāh ko luuT liyā gayā hai kyā

aaj ufuq ke dosh par gard kī shaal bhī nahīñ

uf ye fazā-e-ehtiyāt tā kahīñ uḌ na jaa.eñ ham

bād-e-junūb bhī nahīñ bād-e-shimāl bhī nahīñ

vaj.h-e-ma'āsh-e-be-dilāñ yaas hai ab magar kahāñ

us ke varūd kā gumāñ farz-e-muhāl bhī nahīñ

ġhārat-e-roz-o-shab to dekh vaqt kā ye ġhazab to dekh

kal to nidhāl bhī thā maiñ aaj nidhāl bhī nahīñ

mere zamān-o-zāt kā hai ye mu'āmla ki ab

sub.h-e-firāq bhī nahīñ shām-e-visāl bhī nahīñ

pahle hamāre zehn meñ husn kī ik misāl thī

ab to hamāre zehn meñ koī misāl bhī nahīñ

maiñ bhī bahut 'ajīb huuñ itnā 'ajīb huuñ ki bas

ḳhud ko tabāh kar liyā aur malāl bhī nahīñ

haal ye hai ki KHwahish-e-pursish-e-haal bhi nahin

us ka KHayal bhi nahin apna KHayal bhi nahin

ai shajar-e-hayat-e-shauq aisi KHizan-rasidagi

poshish-e-barg-o-gul to kya jism pe chhaal bhi nahin

mujh mein wo shaKHs ho chuka jis ka koi hisab tha

sud hai kya ziyan hai kya is ka sawal bhi nahin

mast hain apne haal mein dil-zadagan-o-dil-baran

sulh-o-salam to kuja bahs-o-jidal bhi nahin

tu mera hausla to dekh dad to de ki ab mujhe

shauq-e-kamal bhi nahin KHauf-e-zawal bhi nahin

KHema-gah-e-nigah ko luT liya gaya hai kya

aaj ufuq ke dosh par gard ki shaal bhi nahin

uf ye faza-e-ehtiyat ta kahin uD na jaen hum

baad-e-junub bhi nahin baad-e-shimal bhi nahin

wajh-e-ma'ash-e-be-dilan yas hai ab magar kahan

us ke warud ka guman farz-e-muhaal bhi nahin

ghaarat-e-roz-o-shab to dekh waqt ka ye ghazab to dekh

kal to nidhaal bhi tha main aaj nidhaal bhi nahin

mere zaman-o-zat ka hai ye mu'amla ki ab

subh-e-firaq bhi nahin sham-e-visal bhi nahin

pahle hamare zehn mein husn ki ek misal thi

ab to hamare zehn mein koi misal bhi nahin

main bhi bahut 'ajib hun itna 'ajib hun ki bas

KHud ko tabah kar liya aur malal bhi nahin