hai mere dil mein har ek zaKHm gulistan jaise

hai mire dil meñ har ik zaḳhm gulistāñ jaise

aa ga.ī raas havā-e-ġham-e-jānāñ jaise

merā īmān-e-javānī nikhar aaya kuchh aur

de rahī hai vo nazar dāvat-e-isyāñ jaise

chāñdnī tere tasavvur kī hai dilkash kitnī

ho mirī shām-e-alam sub.h-e-bahārāñ jaise

husn aur ta.ana-e-bechārgī-e-dast-e-talab

ishq hai be-ḳhabar-e-tangī-e-dāmāñ jaise

yūrish-e-ġham se mire dil kā to ye haal hai ab

chaak kar de koī phūloñ ke garebāñ jaise

mujh se dīvāne se ye tark-e-junūñ kī bāteñ

kam mile harza-sarā vā.iz-e-nādāñ jaise

dil meñ is tarah hai andesha-e-mahrūmī-e-shauq

so rahā hai sar-e-sāhil koī tūfāñ jaise

jab bhī letā huuñ koī saañs to jal uThtā huuñ

ātish-e-shauq ho siine meñ farozāñ jaise

log karte haiñ mire haal pe yuuñ tanz 'ġhanī'

zahr-e-ġham pī ke sañbhalnā bhī hai āsāñ jaise

hai mere dil mein har ek zaKHm gulistan jaise

aa gai ras hawa-e-gham-e-jaanan jaise

mera iman-e-jawani nikhar aaya kuchh aur

de rahi hai wo nazar dawat-e-isyan jaise

chandni tere tasawwur ki hai dilkash kitni

ho meri sham-e-alam subh-e-bahaaran jaise

husn aur tana-e-bechaargi-e-dast-e-talab

ishq hai be-KHabar-e-tangi-e-daman jaise

yurish-e-gham se mere dil ka to ye haal hai ab

chaak kar de koi phulon ke gareban jaise

mujh se diwane se ye tark-e-junun ki baaten

kam mile harza-sara waiz-e-nadan jaise

dil mein is tarah hai andesha-e-mahrumi-e-shauq

so raha hai sar-e-sahil koi tufan jaise

jab bhi leta hun koi sans to jal uThta hun

aatish-e-shauq ho sine mein farozan jaise

log karte hain mere haal pe yun tanz 'ghani'

zahr-e-gham pi ke sanbhalna bhi hai aasan jaise