ek yaadgar chahiye koi nishan rahe

ik yādgār chāhiye koī nishāñ rahe

turbat mirī rahe na rahe āsmāñ rahe

kyuuñ dūd-e-āh nīm-shabī rā.egāñ rahe

ik aur āsmāñ na tā-āsmāñ rahe

kosoñ nishān-e-manzil-e-ulfat nikal ga.e

ham mahv-e-naġhma-e-jaras-kārvāñ rahe

dil intihā-pasand hai shauq-e-jagā nahīñ

vo mehrbāñ rahe to bahut mehrbāñ rahe

jorū-o-jafā-e-daur-e-falak haiñ ba-qadr-e-ishq

ab jis qadar kisī pe koī mehrbāñ rahe

al-muḳhtasar hayāt taḌapne kā naam hai

pahlū meñ dil rahe ki ḳhayāl-e-butāñ rahe

soz-e-fuġhāñ ne aah qafas bhī jalā diyā

ab ādī-e-quyūd batāo kahāñ rahe

rañgīnī-e-jamāl fareb-e-ḳhayāl hai

'tālib' vagarna dil meñ tamannā kahāñ rahe

ek yaadgar chahiye koi nishan rahe

turbat meri rahe na rahe aasman rahe

kyun dud-e-ah nim-shabi raegan rahe

ek aur aasman na ta-asman rahe

koson nishan-e-manzil-e-ulfat nikal gae

hum mahw-e-naghma-e-jaras-karwan rahe

dil intiha-pasand hai shauq-e-jaga nahin

wo mehrban rahe to bahut mehrban rahe

joru-o-jafa-e-daur-e-falak hain ba-qadr-e-ishq

ab jis qadar kisi pe koi mehrban rahe

al-muKHtasar hayat taDapne ka nam hai

pahlu mein dil rahe ki KHayal-e-butan rahe

soz-e-fughan ne aah qafas bhi jala diya

ab aadi-e-quyud batao kahan rahe

rangini-e-jamal fareb-e-KHayal hai

'talib' wagarna dil mein tamanna kahan rahe