اتنی مدت بعد ملے ہو

محسن نقوی

اتنی مدت بعد ملے ہو

محسن نقوی

MORE BYمحسن نقوی

    اتنی مدت بعد ملے ہو

    کن سوچوں میں گم پھرتے ہو

    اتنے خائف کیوں رہتے ہو

    ہر آہٹ سے ڈر جاتے ہو

    تیز ہوا نے مجھ سے پوچھا

    ریت پہ کیا لکھتے رہتے ہو

    کاش کوئی ہم سے بھی پوچھے

    رات گئے تک کیوں جاگے ہو

    میں دریا سے بھی ڈرتا ہوں

    تم دریا سے بھی گہرے ہو

    کون سی بات ہے تم میں ایسی

    اتنے اچھے کیوں لگتے ہو

    پیچھے مڑ کر کیوں دیکھا تھا

    پتھر بن کر کیا تکتے ہو

    جاؤ جیت کا جشن مناؤ

    میں جھوٹا ہوں تم سچے ہو

    اپنے شہر کے سب لوگوں سے

    میری خاطر کیوں الجھے ہو

    کہنے کو رہتے ہو دل میں

    پھر بھی کتنے دور کھڑے ہو

    رات ہمیں کچھ یاد نہیں تھا

    رات بہت ہی یاد آئے ہو

    ہم سے نہ پوچھو ہجر کے قصے

    اپنی کہو اب تم کیسے ہو

    محسنؔ تم بدنام بہت ہو

    جیسے ہو پھر بھی اچھے ہو

    ویڈیو
    This video is playing from YouTube

    Videos
    This video is playing from YouTube

    غلام علی

    غلام علی

    RECITATIONS

    عاطر علی سید

    عاطر علی سید

    عاطر علی سید

    اتنی مدت بعد ملے ہو کچھ تو دل کا حال کہو عاطر علی سید

    مأخذ :
    • کتاب : kulliyat-e- mohsin naqvii (Pg. 303)
    • Author : mohsin naqvii
    • مطبع : mavra books 60-the mall, lahore (2010)
    • اشاعت : 2010

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY