اشعار

ہزاروں مقبول اشعار


  • سنا ہے اب بھی مرے ہاتھ کی لکیروں میں
    نجومیوں کو مقدر دکھائی دیتا ہے

    امیر قزلباش

  • نیند آتی ہے اگر جلتی ہوئی آنکھوں میں
    کوئی دیوانے کی زنجیر ہلا دیتا ہے

    شہزاد احمد

  • ہم سے کیا ہو سکا محبت میں
    خیر تم نے تو بے_وفائی کی

    فراق گورکھپوری

  • ترک_تعلقات کو اک لمحہ چاہیئے
    لیکن تمام عمر مجھے سوچنا پڑا

    فنا نظامی کانپوری

  • شب_وصال ہے گل کر دو ان چراغوں کو
    خوشی کی بزم میں کیا کام جلنے والوں کا

    داغؔ دہلوی

  • میں نے مانگی تھی اجالے کی فقط ایک کرن
    تم سے یہ کس نے کہا آگ لگا دی جائے

    ذکیہ غزل

  • سبق ایسا پڑھا دیا تو نے
    دل سے سب کچھ بھلا دیا تو نے

    داغؔ دہلوی

  • دیکھ زنداں سے پرے رنگ_چمن جوش_بہار
    رقص کرنا ہے تو پھر پاؤں کی زنجیر نہ دیکھ

    مجروح سلطانپوری

  • پوچھا جو ان سے چاند نکلتا ہے کس طرح
    زلفوں کو رخ پہ ڈال کے جھٹکا دیا کہ یوں

    آرزو لکھنوی

  • جہاں پہنچ کے قدم ڈگمگائے ہیں سب کے
    اسی مقام سے اب اپنا راستا ہوگا

    عابد ادیب

  • دیکھا ہے کس نگاہ سے تو نے ستم_ظریف
    محسوس ہو رہا ہے میں غرق_شراب ہوں

    عبد الحمید عدم

  • یاد رکھنا ہی محبت میں نہیں ہے سب کچھ
    بھول جانا بھی بڑی بات ہوا کرتی ہے

    جمال احسانی

  • گرتے آنسو پوچھیے رخسار سے
    سنگ کٹ جاتے ہیں اکثر دھار سے

    غفران آفریدی

  • آتا ہے یہاں سب کو بلندی سے گرانا
    وہ لوگ کہاں ہیں کہ جو گرتوں کو اٹھائیں

    نامعلوم

  • بشر اعمال کر اچھے ترے عقبیٰ میں کام آئیں
    وہاں جنت نہیں ملتی یہاں سے ساتھ جاتی ہے

    نامعلوم

مصور شاعری

شاعری کی سیکڑوں خوبصورت تصویریں شیئر کیجیے

تمام

موضوع