jab ek sarab mein pyason ko pyas utarti hai

jab ik sarāb meñ pyāsoñ ko pyaas utārtī hai

mire yaqīñ ko qarīn-e-qayās utārtī hai

hamāre shahr kī ye vahshiyāna āb-o-havā

har ek ruuh meñ jañgal kī baas utārtī hai

ye zindagī to lubhāne lagī hameñ aise

ki jaise koī hasīna libās utārtī hai

tumhāre aane kī afvāh bhī sar āñkhoñ par

ye bām-o-dar se udāsī kī ghaas utārtī hai

maiñ sīḳh-pā huuñ bahut zindagī kī gaaḌī par

ye roz shaam mujhe ghar ke paas utārtī hai

hamārā jism sukūñ chāhtā hai aur ye raat

thakan utārne aatī hai maas utārtī hai

jab ek sarab mein pyason ko pyas utarti hai

mere yaqin ko qarin-e-qayas utarti hai

hamare shahr ki ye wahshiyana aab-o-hawa

har ek ruh mein jangal ki bas utarti hai

ye zindagi to lubhane lagi hamein aise

ki jaise koi hasina libas utarti hai

tumhaare aane ki afwah bhi sar aankhon par

ye baam-o-dar se udasi ki ghas utarti hai

main siKH-pa hun bahut zindagi ki gaDi par

ye roz sham mujhe ghar ke pas utarti hai

hamara jism sukun chahta hai aur ye raat

thakan utarne aati hai mas utarti hai