jaga sake na tere lab lakir aisi thi

jagā sake na tire lab lakīr aisī thī

hamāre baḳht kī rekhā bhī 'mīr' aisī thī

ye haath chūme ga.e phir bhī be-gulāb rahe

jo rut bhī aa.ī ḳhizāñ kī safīr aisī thī

vo mere paañv ko chhūne jhukā thā jis lamhe

jo māñgtā use detī amiir aisī thī

shahādateñ mire haq meñ tamām jaatī thiiñ

magar ḳhamosh the munsif nazīr aisī thī

katar ke jaal bhī sayyād kī razā ke baġhair

tamām umr na uḌtī asiir aisī thī

phir us ke baad na dekhe visāl ke mausam

judā.iyoñ kī ghaḌī chashm-gīr aisī thī

bas ik nigāh mujhe dekhtā chalā jaatā

us aadmī kī mohabbat faqīr aisī thī

ridā ke saath luTere ko zād-e-rah bhī diyā

tirī farāḳh-dilī mere viir aisī thī

kabhī na chāhne vāloñ kā ḳhūñ-bahā māñgā

nigār-e-shahr-e-suḳhan be-zamīr aisī thī

jaga sake na tere lab lakir aisi thi

hamare baKHt ki rekha bhi 'mir' aisi thi

ye hath chume gae phir bhi be-gulab rahe

jo rut bhi aai KHizan ki safir aisi thi

wo mere panw ko chhune jhuka tha jis lamhe

jo mangta use deti amir aisi thi

shahadaten mere haq mein tamam jati thin

magar KHamosh the munsif nazir aisi thi

katar ke jal bhi sayyaad ki raza ke baghair

tamam umr na uDti asir aisi thi

phir us ke baad na dekhe visal ke mausam

judaiyon ki ghaDi chashm-gir aisi thi

bas ek nigah mujhe dekhta chala jata

us aadmi ki mohabbat faqir aisi thi

rida ke sath luTere ko zad-e-rah bhi diya

teri faraKH-dili mere wir aisi thi

kabhi na chahne walon ka KHun-baha manga

nigar-e-shahr-e-suKHan be-zamir aisi thi