jalte-bujhte hue makanon se

jalte-bujhte hue makānoñ se

ḳhauf aatā hai āsmānoñ se

āsmāñ aur zamīn girne lage

ek duuje ko thāme shānoñ se

ye na.e log to haqīqat meñ

munfarid haiñ bahut purānoñ se

zindagī terī shāh-rāhoñ par

raunaqeñ haiñ mirī dukānoñ se

saañp hote haiñ āstīnoñ meñ

faiz miltā hai āstānoñ se

tiir ulajhte rahe shikārī ke

apnī TuuTī huī kamānoñ se

aisā lagtā hai jaise ham us ko

jānte haiñ ka.ī zamānoñ se

ik shahanshāh kī hasīñ beTī

ishq kartī rahī kisānoñ se

jurm-e-ulfat se kyā rihā.ī milī

phuul bheje ga.e haiñ thānoñ se

jalte-bujhte hue makanon se

KHauf aata hai aasmanon se

aasman aur zamin girne lage

ek duje ko thame shanon se

ye nae log to haqiqat mein

munfarid hain bahut puranon se

zindagi teri shah-rahon par

raunaqen hain meri dukanon se

sanp hote hain aastinon mein

faiz milta hai aastanon se

tir ulajhte rahe shikari ke

apni TuTi hui kamanon se

aisa lagta hai jaise hum us ko

jaante hain kai zamanon se

ek shahanshah ki hasin beTi

ishq karti rahi kisanon se

jurm-e-ulfat se kya rihai mili

phul bheje gae hain thanon se