kabhi jo nikhat-e-zulf-e-nigar aai hai
kabhī jo nik.hat-e-zulf-e-nigār aa.ī hai
fazā-e-murda-e-dil meñ bahār aa.ī hai
zarūr terī galī se guzar huā hogā
ki aaj bād-e-sabā be-qarār aa.ī hai
koī dimāġh tasavvur bhī jin kā kar na sake
ye jān-e-zār vo lamhe guzār aa.ī hai
tujhe kuchh us kī ḳhabar bhī hai bhūlne vaale
kisī ko yaad terī baar baar aa.ī hai
ḳhudā-gavāh ki un ke firāq meñ 'kausar'
jo saañs aa.ī hai vo sogvār aa.ī hai
kabhi jo nikhat-e-zulf-e-nigar aai hai
faza-e-murda-e-dil mein bahaar aai hai
zarur teri gali se guzar hua hoga
ki aaj baad-e-saba be-qarar aai hai
koi dimagh tasawwur bhi jin ka kar na sake
ye jaan-e-zar wo lamhe guzar aai hai
tujhe kuchh us ki KHabar bhi hai bhulne wale
kisi ko yaad teri bar bar aai hai
KHuda-gawah ki un ke firaq mein 'kausar'
jo sans aai hai wo sogwar aai hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
