kaT gai be-muddaa sari ki sari zindagi
kaT ga.ī be-mudda.ā saarī kī saarī zindagī
zindagī sī zindagī hai ye hamārī zindagī
kyā irādoñ se hai hāsil? tāqat-o-fursat kahāñ
haa.e kahlātī hai kyuuñ be-aḳhtyārī zindagī
ai sar-e-shorīda ab tere vo saudā kyā hue!
kyā sadā se thī yahī ġhaflat-shi.ārī zindagī
dard ulfat kā na ho to zindagī kā kyā mazā
āh-o-zārī zindagī hai be-qarārī zindagī
ārzū-e-zīst bhī yaañ yaañ ārzū-e-dīd hai
tū na pyārā ho to mujh ko ho na pyārī zindagī
aur murjhā.egī terī chheḌ se dil kī kalī
kar na dūbhar mujh pe ai bād-e-bahārī zindagī
yaañ to ai 'nairañg' donoñ ke liye sāmāñ nahīñ
maut bhī mujh par girāñ hai gar hai bhārī zindagī
kaT gai be-muddaa sari ki sari zindagi
zindagi si zindagi hai ye hamari zindagi
kya iradon se hai hasil? taqat-o-fursat kahan
hae kahlati hai kyun be-aKHtyari zindagi
ai sar-e-shorida ab tere wo sauda kya hue!
kya sada se thi yahi ghaflat-shiari zindagi
dard ulfat ka na ho to zindagi ka kya maza
aah-o-zari zindagi hai be-qarari zindagi
aarzu-e-zist bhi yan yan aarzu-e-did hai
tu na pyara ho to mujh ko ho na pyari zindagi
aur murjhaegi teri chheD se dil ki kali
kar na dubhar mujh pe ai baad-e-bahaari zindagi
yan to ai 'nairang' donon ke liye saman nahin
maut bhi mujh par giran hai gar hai bhaari zindagi
- Book : Jadeed Shora-e-Urdu (Pg. 387)
- Author : Dr. Abdul Wahid
- Publication : Feroz sons Printers Publishers and Stationers
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
