KHirad-mandon se kya puchhun ki meri ibtida kya hai
Interesting Fact
Baal-e-Gibril
ḳhirad-mandoñ se kyā pūchhūñ ki merī ibtidā kyā hai
ki maiñ is fikr meñ rahtā huuñ merī intihā kyā hai
ḳhudī ko kar buland itnā ki har taqdīr se pahle
ḳhudā bande se ḳhud pūchhe batā terī razā kyā hai
maqām-e-guftugū kyā hai agar maiñ kīmiyā-gar huuñ
yahī soz-e-nafas hai aur merī kīmiyā kyā hai
nazar aa.iiñ mujhe taqdīr kī gahrā.iyāñ is meñ
na pūchh ai ham-nashīñ mujh se vo chashm-e-surma-sā kyā hai
agar hotā vo majzūb-e-farañgī is zamāne meñ
to 'iqbāl' us ko samjhātā maqām-e-kibriyā kyā hai
navā-e-sub.h-gāhī ne jigar ḳhuuñ kar diyā merā
ḳhudāyā jis ḳhatā kī ye sazā hai vo ḳhatā kyā hai
KHirad-mandon se kya puchhun ki meri ibtida kya hai
ki main is fikr mein rahta hun meri intiha kya hai
KHudi ko kar buland itna ki har taqdir se pahle
KHuda bande se KHud puchhe bata teri raza kya hai
maqam-e-guftugu kya hai agar main kimiya-gar hun
yahi soz-e-nafas hai aur meri kimiya kya hai
nazar aain mujhe taqdir ki gahraiyan is mein
na puchh ai ham-nashin mujh se wo chashm-e-surma-sa kya hai
agar hota wo majzub-e-farangi is zamane mein
to 'iqbaal' us ko samjhata maqam-e-kibriya kya hai
nawa-e-subh-gahi ne jigar KHun kar diya mera
KHudaya jis KHata ki ye saza hai wo KHata kya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
