kis ujale ka nishan hain hum log
kis ujāle kā nishāñ haiñ ham log
kin añdheroñ meñ ravāñ haiñ ham log
nūr-e-ḳhurshīd ko ilzām na do
sub.h kā ḳhvāb-e-girāñ haiñ ham log
jaise bhaTkā huā raahī ho koī
yūñhī har sū nigarāñ haiñ ham log
kabhī āvārgī-e-nihkat-e-gul
kabhī zanjīr-e-girāñ haiñ ham log
duur tak dasht-e-junūñ hai 'jāved'
ābla-pā guzarāñ haiñ ham log
kis ujale ka nishan hain hum log
kin andheron mein rawan hain hum log
nur-e-KHurshid ko ilzam na do
subh ka KHwab-e-giran hain hum log
jaise bhaTka hua rahi ho koi
yunhi har su nigaran hain hum log
kabhi aawargi-e-nihkat-e-gul
kabhi zanjir-e-giran hain hum log
dur tak dasht-e-junun hai 'jawed'
aabla-pa guzaran hain hum log
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
